ప్రియుడే కాలేజీ అమ్మాయిని రేప్ చేసి నిప్పు పెట్టాడు

లక్నో: ఉత్తరప్రదేశ్ రాష్ట్రంలో ఓ కాలేజీ విద్యార్థినిపై ప్రియుడే అత్యాచారానికి పాల్పడి, ఆమెను తగులబెట్టడానికి చేసిన ప్రయత్నం తీవ్ర దుమారం రేపుతోంది. ఆ అమ్మాయి ప్రస్తుతం ఆసుపత్రిలో చికిత్స పొందుతోంది. సమాజ్‌వాదీ పార్టీ అధినేత ములాయం సింగ్ సొంత జిల్లా ఇట్టావాలో ఈ సంఘటన చోటు చేసుకుంది. అమ్మాయికి తెలిసిన యువకుడే ఆమెపై ఆ దారుణానికి పాల్పడినట్లు పోలీసులు భావిస్తున్నారీు.

మంగళవారం సాయంత్రం అమ్మాయిని యువకుడు తన ఇంటికి ఆహ్వానించాడని, ఇంటికి వచ్చిన ఆమెపై అత్యాచారానికి ఒడిగట్టాడని, అమ్మాయి ప్రతిఘటించడంతో ఆమెపై కిరోసిన్ పోసి ఆమె ఒంటికి నిప్పు అంటించినట్లు పోలీసులు చెబుతున్నారు.

తీవ్రంగా గాయపడిన అమ్మాయిని మొదట గ్రామంలోని ఆస్పత్రికి తరలించారు. ఆ తర్వాత సఫాయి ఆస్పత్రికి తరలించారు. ఆమె ఒళ్లు 80 శాతం కాలిపోయినట్లు చెబుతున్నారు. తనపై అత్యాచారానికి పాల్పడిన యువకుడి పేరును అమ్మాయి తన వాంగ్మూలంలో పోలీసులకు చెప్పినట్లు సమాచారం. అతనిపై, అతని బంధువులపై పోలీసులు కేసు నమోదు చేశారు.

ప్రేమించిన యువకుడే అమ్మాయిపై అత్యాచారానికి పాల్పడినట్లు బాధితురాలి కుటుంబ సభ్యులు చెబుతున్నారు. అతనిపై నమ్మకంతో పిలువగానే అమ్మాయి అతని ఇంటికి వెళ్లిందని, కాలిన గాయాలతో పరుగెత్తకుంటూ ఇంటికి వచ్చిందని చెబుతున్నారు.

English summary

In Uttar Pradesh, which has reported several horrific assaults on young girls in the last few days, a college student is battling for life in hospital after being allegedly raped and set on fire by a man known to her.