మోడీ మతతత్వవాది కాడు: అన్నా హజారే (ఫొటోలు)

By Pratap

Published: Thursday, July 18, 2013, 15:06 [IST]

ఇండోర్: గుజరాత్ ముఖ్యమంత్రి నరేంద్ర మోడీ మత తత్వవాది కాడని సామాజిక కార్యకర్త అన్నా హజారే అన్నారు. ప్రత్యర్థులు మోడీని మతతత్వవాదిగా విమర్శిస్తారని, కానీ అందులో నిజం లేదని ఆయన అన్నారు. తాను మరో రాజకీయ పార్టీతో ఉన్నందున తాను బిజెపిలో చేరలేనని ఆయన అన్నారు.

యుపిఎ ప్రభుత్వంపై ఆయన తీవ్రంగా ధ్వజమెత్తారు. కుంభకోణాలమయంగా యుపిఎ ప్రభుత్వం మారిందని ఆయన అన్నారు. కుంభకోణాలకు నైతిక బాధ్యత వహించి ప్రధాని మన్మోహన్ సింగ్ రాజీనామా చేయాలని ఆయన బుధవారంనాడు డిమాండ్ చేశారు. కోట్లాది రూపాయల బొగ్గు కుంభకోణం చోటు చేసుకున్నప్పుడు మన్మోహన్ సింగ్ బొగ్గు శాఖ ఇంచార్జీగా ఉన్నారని ఆయన అన్నారు.

పార్లమెంటు అవినీతిపరులతో, నేరగాళ్లతో నిండిపోయిందని ఆయన ధ్వజమెత్తారు. ప్రధాని ఎన్నిక ప్రత్యక్ష ఎన్నికల ద్వారా జరగాలని ఆయన అభిప్రాయపడ్డారు. నిజమైన అర్థంలో ప్రజాస్వామ్యాన్ని నిలబెట్టడానికే జనతంత్ర యాత్రను ఉద్దేశించినట్లు అన్నారు. జనలోక్‌పాల్ బిల్లును తేవాలని ఆయన డిమాండ్ చేశారు.