ఏపీ డీఎస్సీ 2 వారాలు వాయిదా.. అభ్యర్థుల వినతి మేరకు ప్రభుత్వ నిర్ణయం

అమరావతి : ఏపీ డీస్సీ పరీక్షలు 2 వారాల పాటు వాయిదాపడ్డాయి. దీనికి సంబంధించి మంత్రి గంటా శ్రీనివాసరావు వివరాలు వెల్లడించారు. డీఎస్సీ రాయబోయే అభ్యర్థుల వినతి మేరకు ఈ నిర్ణయం తీసుకున్నట్లు చెప్పారు. డీఎస్సీ ప్రకటనకు, ఎగ్జామ్ కు మధ్య గ్యాప్ తక్కువగా ఉండటంతో చదువుకోవడానికి సమయం కావాలంటూ అభ్యర్థులు ప్రభుత్వం దృష్టికి తీసుకెళ్లారు. ఈ అంశంపై సీఎం చంద్రబాబుతో చర్చించి డీఎస్సీ పరీక్షను 2 వారాల పాటు వాయిదా వేస్తున్నట్లు ప్రకటించారు మంత్రి గంటా శ్రీనివాసరావు.

తొలి షెడ్యూల్ ప్రకారం డిసెంబర్ 6న డీఎస్సీ ఎగ్జామ్ జరగాల్సి ఉంది. అయితే రెండు వారాల పాటు వాయిదా వేయడంతో కొత్త షెడ్యూల్ ఇంకా ఖరారు చేయలేదు. బుధవారం నాడు ఆ వివరాలు ప్రకటించే ఛాన్సుంది. 7,729 పోస్టులకు గాను 6 లక్షల 8వేల 157 మంది అభ్యర్థులు పోటీపడుతున్నారు. డీఎస్సీ పరీక్ష ఆఫ్‌లైన్‌ లేదంటే ఆన్‌లైన్‌లో నిర్వహిస్తారా అనే విషయం తేలలేదు. దీనిపై ఉన్నతాధికారులు చర్చించి నిర్ణయం తీసుకోనున్నారు.

English summary

AP DSC examinations were postponed for 2 weeks. Candidates given representations to government as there is little gap between the DSC advertisement and the exam. Speaking to CM Chandrababu on this topic, the minister ganta srinivasa rao declared that the DSC test was postponed for 2 weeks.