ఏపీ డిప్యూటీ సీఎంకు తప్పిన ముప్పు -కోదాడ వద్ద కాన్వాయ్‌కి ప్రమాదం

ఆంధ్రప్రదేశ్ ఉపముఖ్యమంత్రి నారాయణ స్వామికి పెను ప్రమాదం తప్పింది. ఆయన ‌కాన్వాయ్‌లోని వాహనాలు ఒకదానికొకటి ఢీ కొన్నాయి. ఈ ఘటన సూర్యాపేట జిల్లా కోదాడ పట్టణంలోని బైపాస్‌‌రోడ్‌‌పై శుక్రవారం రాత్రి చోటుచేసుకుంది. స్థానికుల వివరాల ప్రకారం..

విజయవాడ నుంచి హైదరాబాద్‌‌ వైపుగా డిప్యూటీ సీఎం నారాయణ స్వామి కాన్వాయ్ వెళుతున్న క్రమంలో కోదాడ పట్టణ సమీపంలోని భారత్‌‌ పెట్రోల్‌ ‌బంక్‌ ‌వద్దకు రాగానే ముందు వెళుతున్న ఎస్కార్ట్‌ ‌వాహనం సడన్‌గా బ్రేక్ వేసింది.దీంతో వెనుక వాహనాలు కూడా సడన్‌ బ్రేకులు వేయడంతో ఒకదానికొకటి ఢీ కొన్నాయి...

ఈ క్రమంలో నారాయణస్వామి ప్రయాణిస్తున్న వాహనం ముందు ఉన్న వాహనాన్ని ఢీకొన్నది. ఈ ప్రమాదంలో ఆయనకు, సిబ్బందికి ఎలాంటి ప్రమాదం జరుగలేదు. ప్రమాదం జరిగిన తరువాత వాహనాలను పరిశీలించిన భద్రతా సిబ్బంది వాహనాలు సక్రమంగా ఉండడంతో వెంటనే అక్కడ నుంచి వెళ్ళిపోయారని స్థానికుల వెల్లడించారు. ఈ ఘటనపై పోలీసులు ఆరా తీస్తున్నట్లు తెలుస్తోంది.

English summary

Andhra Pradesh Deputy Chief Minister Narayana Swamy has escaped a major accident. The vehicles in his convoy collided with each other. The incident took place on Friday night on a bypass road in Kodada town of Suryapeta district.