ఏపీ ఎన్నికలు.. ట్రెండింగ్‌లో 'బై బై వైసీపీ'!

ఏపీలో జరుగుతున్న ఎన్నికల్లో తమ ఓటుహక్కును వినియోగించుకునేందుకు ఉదయం ఆరుగంటల నుంచే ఓటర్లు భారీ సంఖ్యలో పోలింగ్ కేంద్రాల వద్ద బారులు తీరారు. రాష్ట్రంలో పలు ప్రాంతాల్లో అధికార పార్టీ నాయకులు, కార్యకర్తలు తెలుగుదేశం పార్టీ శ్రేణులపై దౌర్జన్యాలకు, దాడులకు దిగుతున్నా ఓటర్లు మాత్రం వాటికి భయపడకుండా ఓటు వేయడానికే మొగ్గుచూపారు.

టాప్ లో చంద్రబాబు
సోషల్ మీడియాలో వైసీపీ శ్రేణులు చేస్తున్న అరాచకాలను వీడియోలతో సహా పోస్ట్ చేస్తూ దీన్నిబట్టి అందరూ ఓటు వేయాలని పిలుపునిస్తున్నారు. ట్విటర్ లో 'హలో ఏపీ బై బై వైసీపీ' అనే హ్యాష్‌ట్యాగ్‌ బాగా ట్రెండ్‌ అవుతోంది. ఇండియా ట్రెండ్స్‌లో '#APElections2024' టాప్‌లో ఉంది. దాని తర్వాత '#HelloAP_ByeByeYCP' నిలిచింది. మూడో స్థానంలో ఎంటర్‌టైన్‌మెంట్ కేటగిరిలో'ఓట్‌ఫర్‌గ్లాస్‌', రాజకీయ విభాగంలో చంద్రబాబు నాయుడు టాప్‌లో నిలిచారు. #TDPJSPBJPWinningAP, #YCPLosingBig కూడా ట్రెండింగ్ లో ఉన్నాయి.

ఈసీ సీరియస్
గుంటూరు జిల్లా తెనాలిలో వైసీపీ ఎమ్మెల్యే అభ్యర్థి అన్నాబత్తుని శివకుమార్ ఓటు వేయడానికి క్యూలో నిలబడకుండా నేరుగా పోలింగ్ కేంద్రంలోకి వెళుతుండటంతో నిలదీసిన ఓటరును ఆయన చెంపదెబ్బ కొట్టారు. తిరిగి అతను వెంటనే శివకుమార్ ను కూడా చెంపదెబ్బ కొట్టారు. ఎమ్మెల్యే అభ్యర్థి అనుచరులంతా ఒక్కసారిగా నిలదీసిన వ్యక్తిపై దాడికి దిగి ఆయన్ను తీవ్రంగా గాయపరిచారు. అంతేకాకుండా అతనికి చికిత్స కూడా చేయించకుండా పోలీస్ స్టేషన్ లోనే నాలుగు గంటలుగా కూర్చోపెట్టారు. దీనిపై కేంద్ర ఎన్నికల సంఘం సీరియస్ అయింది. సాయంత్రం నాలుగు నుంచి ఆరు గంటల మధ్య ఎటువంటి సంఘటనలు జరిగినా చర్యలు తీవ్రంగా ఉంటాయని హెచ్చరించింది. తెనాలితోపాటు మాచర్ల, అనంతపురంలో జరిగిన సంఘటనలను కూడా ఈసీ సీరియస్ గా తీసుకుంది. వాటిపై చర్యలకు ఉపక్రమించింది.

English summary

The hashtag "Bye Bye YCP" is trending well in social media related to AP elections.