హైదరాబాద్ వార్తల కోసం
నోటిఫికేషన్స్ పై క్లిక్ చేయండి  
Oneindia App Download

ఉరేసుకుని హైదరాబాద్‌లో కానిస్టేబుల్ ఆత్మహత్య

By Pratap
|
Google Oneindia TeluguNews

 Constable commits suicide in Hyderabad
హైదరాబాద్: మానసిక ఒత్తిడి భరించలేక ఓ పోలీస్ కానిస్టేబుల్ ఆత్మహత్య చేసుకున్న సంఘటన హైదరాబాదులోని జూబ్లీహిల్స్ పోలీస్‌స్టేషన్ పరిధిలో చోటుచేసుకుంది. నెల్లూరుకు చెందిన జి. మస్తానయ్య(32) యూసఫ్‌గూడలోని ఏపిఎస్‌పి ఫస్ట్ బెటాలియన్‌లో కానిస్టేబుల్‌గా పనిచేస్తూ అక్కడి పోలీస్ క్వార్టర్స్‌లో నివాసం ఉంటున్నాడు.

ఆయనకు భార్య, ఇద్దరు పిల్లలు ఉన్నారు. స్వగ్రామం నుండి తమ బంధువులు రాగా వారికి హైదరాబాద్‌లోని వివిధ ప్రాంతాలు చూపించేందుకు మంగళవారం మధ్యాహ్నం పంపించాడు. వారితో కలిసి భార్య, పిల్లలు కూడా వెళ్లారు. ఇంట్లో ఒంటరిగా ఉన్న మస్తానయ్య ఫ్యాన్‌కు ఉరివేసుకొని ఆత్మహత్య చేసుకున్నాడు.

సాయంత్రం ఇంటికి తిరిగి వచ్చిన భార్య, బంధువులకు ఫ్యాన్‌కు వేలాడుతున్న మస్తానయ్య శవం కనిపించింది. దీంతో వెంటనే విషయాన్ని స్థానిక జూబ్లీహిల్స్ పోలీసులకు సమాచారం అందించారు.

సంఘటనా స్థలానికి చేరుకున్న పోలీసులు ప్రాథమిక విచారణ జరిపిన అనంతరం మృతదేహాన్ని పోస్టుమార్టం నిమితం ఉస్మానియా మార్చురికి తరలించారు. ఈ మేరకు కేసు నమోదు చేసుకున్న పోలీసులు దర్యాప్తు చేస్తున్నారు.

English summary
A police constable has commited suicide at Jubileehills in Hyderabad.
న్యూస్ అప్ డేట్స్ వెంటనే పొందండి
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X