తొలుత కూతురిపై, ఆ తర్వాత తల్లిపై గ్యాంగ్ రేప్

మెదక్: మెదక్ జిల్లా దుబ్బాక మండలం రామక్కపేట గ్రామంలో దుండగులు అత్యంత నీచమైన కార్యానికి ఒడిగట్టారు గుర్తు తెలియని వ్యక్తులు తల్లీకూతుళ్లపై సామూహిక అత్యాచారానికి పాల్పడ్డారు. ఈ సంఘటన స్థానికంగా తీవ్ర సంచలనం సృష్టించింది.

వివరాలు ఇలా ఉన్నాయి - రామక్కపేటకు చెందిన ఇంటర్మీడియట్ విద్యార్థిని దసరా వేడుకల్లో పాల్గొని ఇంటికి తిరిగి వస్తున్న సమయంలో కొంత మంది గుర్తు తెలియని వ్యక్తులు ముఖాలకు ముసుగులు ధరించి ఆమెను అపహరించారు. ఆ తర్వాత ఆమెపై సామూహిక అత్యాచారానికి పాల్పడ్డారు.

దాంతో ఆగకుండా ఆ తర్వాత దుండగులు విద్యార్థిని ఇంటికి వెళ్లి మీ కూతురు అక్కడ పడిపోయిందని తల్లికి సమాచారం అందించారు. దాంతో కంగారు పడిన ఆమె వారి వెంట వెళ్లింది. అక్కడ ఆమెపై కూడా దుండగులు సామూహిక అత్యాచారానికి ఒడిగట్టారు.

అర్థరాత్రి జరిగిన ఆ సంఘటనపై బాధితురాలు శనివారం ఉదయం గ్రామ సర్పంచ్‌కు ఫిర్యాదు చేసింది. సమాచారం అందుకున్న పోలీసులు ఘటనా స్థలానికి చేరుకుని దర్యాప్తు ప్రారంభించారు. బాధితులను వైద్య పరీక్షల నిమిత్తం ప్రభుత్వ ఆస్పత్రికి తరలించారు.

English summary

Daughter and mother gang raped at Ramakkapet village in Medak district.