ఏపీ తీరానికి దూసుకొస్తోన్న సూపర్ సైక్లోన్: 140 కి. మీ వేగంతో ప్రచండగాలులు: బాపట్ల- విశాఖ మధ్య
తూర్పు మధ్య బంగాళాఖాతంలో ఏర్పడిన తీవ్ర వాయుగుండం అనూహ్య వేగాన్ని పుంజుకొంది. తుఫాన్ గా బలపడుతోంది. ఏపీ తీరం వైపు దూసుకొస్తోంది. తీరానికి సమీపిస్తోన్న కొద్దీ ఇది సూపర్ సైక్లోన్ గా మారుతుందని, ఏపీపై విరుచుకుపడే అవకాశం ఉందని తెలిపింది. ఈ నెల 28వ తేదీ ఉదయానికి ఈ తుఫాన్.. బాపట్ల, విశాఖపట్నం మధ్య తీరాన్ని దాటే అవకాశం ఉందని ప్రాథమికంగా అంచనా వేసింది. తీరానికి సమీపించిన సమయంలో ప్రచండ గాలులు వీచే ప్రమాదం ఉంది.
వాతావరణ శాఖ తాజా బులెటిన్ ప్రకారం.. బంగాళాఖాతంలో ఈ తీవ్ర వాయుగుండం గంటకు 15 కిలోమీటర్ల వేగంతో పశ్చిమ వాయవ్య దిశగా కదులుతోంది. ప్రస్తుతం ఇది అండమాన్ కు ఉత్తర వాయువ్యం- 520, విశాఖపట్నానికి తూర్పు ఆగ్నేయం- 730, కాకినాడ- 820, మచిలీపట్నం- 920 కిలోమీటర్లు, బాపట్లకు తూర్పు దిశగా 990 కిలోమీటర్ల దూరంలో కేంద్రీకృతమై ఉంది. నేడు తుఫాన్ గా, 27 నాటికి తీవ్ర తుఫాన్ నుగా మారనుంది.
28వ తేదీ నాటికి ఏపీ, యానాం తీరప్రాంతాలకు చేరుకోనుంది. బాపట్ల, విశాఖపట్నం మధ్య తీరాన్ని దాటే సమయంలో గాలుల వేగం నిరంతరం 125 నుంచి 135 కిలోమీటర్ల వరకు ఉండే అవకాశం ఉందని వాతావరణ కేంద్రం పేర్కొంది. గరిష్టంగా గంటకు 140 కిలోమీటర్ల వేగంతో పెనుగాలులు వీచే ప్రమాదం ఉన్నందున భారీ వృక్షాలు, విద్యుత్ స్తంభాలు నేలకూలే అవకాశం ఉందని హెచ్చరించింది.
సూపర్ సైక్లోన్ ముప్పు దృష్ట్యా ఉత్తర కోస్తా, దక్షిణ కోస్తా జిల్లాల్లో వర్షాల తీవ్రత తీవ్రంగా ఉండనుంది. ముఖ్యంగా శ్రీకాకుళం, విజయనగరం, విశాఖపట్నం, అనకాపల్లి, కాకినాడ, అల్లూరి సీతారామరాజు, ఏలూరు, కోనసీమ, తూర్పు గోదావరి, పశ్చిమ గోదావరి, కృష్ణా, గుంటూరు, బాపట్ల జిల్లాల్లో చాలా ప్రాంతాల్లో భారీ నుంచి అత్యంత భారీ వర్షాలు కురిసే అవకాశం ఉందని వాతావరణ శాఖ స్పష్టం చేసింది. లోతట్టు ప్రాంతాలు జలమయం అయ్యే ప్రమాదం ఉండటంతో స్థానిక ప్రజలను తక్షణమే పునరావాస కేంద్రాలకు తరలించేందుకు జిల్లా యంత్రాంగాలు ఏర్పాట్లు చేశాయి.
The #Deep #Depression over Eastcentral and adjoining Southeast #Bay of #Bengal moved west-northwestwards with speed of 15 kmph during past 6 hours and lay centered at 2330 hours IST of yesterday, the 25th October, 2026 over the same region, near Latitude 15.3°N and Longitude 89.7°E, about 520 km north-northwest of Sri Vijaya Puram (#Andaman Islands), 730 km east-southeast of #Vishakhapatnam (#Andhra_Pradesh), 820 km east-southeast of #Kakinada (Andhra Pradesh), 920 km east-Southeast of #Machilipatnam (Andhra Pradesh) and 990 km east of #Bapatla (Andhra Pradesh).It is very likely to move nearly westwards, and intensify further into a cyclonic storm over Eastcentral & adjoining Southeast Bay of #Bengal by 26th October early morning. Then it is very likely to move west-northwestwards and intensify into a #severe #cyclonic #storm over westcentral Bay of Bengal by 27th #October, morning.Thereafter, it is very likely to move northwestwards, intensify further into a very severe cyclonic storm and reach Westcentral #Bay_of_Bengal near Andhra Pradesh coast around morning of 28th October, 2026. It is very likely to cross Andhra Pradesh & Yanam coasts between Bapatla and Visakhapatnam as a #very #severe #cyclonic #storm with the maximum sustained wind speed of 115-125 kmph gusting to 140 kmph by forenoon of 28th October, 2026.
— India Meteorological Department (@Indiametdept) October 25, 2026
సముద్రం తీవ్రస్థాయిలో అల్లకల్లోలంగా మారనున్నందున మత్స్యకారులు ఎవరూ కూడా వేటకు వెళ్లకూడదని వాతావరణ కేంద్రం స్పష్టమైన హెచ్చరికలు జారీ చేసింది. ఇప్పటికే సముద్రంలోకి వేటకు వెళ్లిన మత్స్యకారులు తక్షణమే సమీప తీరానికి తిరిగిరావాలని కోరింది. తీరప్రాంతాల్లో రవాణా, విద్యుత్, మౌలిక వసతుల సరఫరాకు ఆటంకం కలగకుండా అత్యవసర మరమ్మతు బృందాలను సిద్ధం చేశారు. తుఫాన్ పరిస్థితులను ఎదుర్కొనడానికి ఎన్డీఆర్ఎఫ్, ఎస్డీఆర్ఎఫ్ బృందాలను తీరప్రాంత జిల్లాల్లో మోహరించారు. కోస్తా జిల్లాల ప్రజలు అత్యవసరమైతే తప్ప ఇళ్ల నుంచి బయటకు రాకూడదని హెచ్చరించారు.
Click it and Unblock the Notifications
Sign in with Google
