‘హైదరాబాద్ మాది కాదు, నాకిక్కడ పనిలేదు’: ఏపీ మంత్రి సంచలన నిర్ణయం
ఆంధ్రప్రదేశ్ దేవాదాయ శాఖ మంత్రి పైడికొండల మాణిక్యాలరావు సంచలన నిర్ణయం ప్రకటించారు. హైదరాబాద్ తమ రాజధాని కాదని స్పష్టం చేశారు.
అమరావతి: ఆంధ్రప్రదేశ్ దేవాదాయ శాఖ మంత్రి పైడికొండల మాణిక్యాలరావు సంచలన నిర్ణయం ప్రకటించారు. హైదరాబాద్ తమ రాజధాని కాదని స్పష్టం చేశారు. అంతేగాక, తనకు అక్కడ నివాసం కూడా అవసరం లేదుటూ తన అధికారిక నివాసాన్ని వదులుకున్నారు.
దేవాదాయశాఖ మంత్రి మాణిక్యాలరావుకు 2014లో బంజారాహిల్స్లోని మంత్రుల నివాస సముదాయంలో 27వ నెంబర్ క్వార్టర్ను కేటాయించారు. ఇతర మంత్రులందరూ తమ హైదరాబాద్ నివాసాన్ని కొనసాగిస్తుండగా.. మాణిక్యాలరావు మాత్రం తనకు వద్దంటూ ప్రభుత్వానికి లేఖరాశారు.
దీంతో ఆ క్వార్టర్ కేటాయింపును రద్దుచేస్తూ ప్రభుత్వం ఉత్తర్వులు జారీ చేసింది. విజయవాడ, గుంటూరు పరిసరాల్లో ఎక్కడ కోరుకుంటే అక్కడ నివాస వసతి కల్పిస్తామని ఏపీ ప్రభుత్వం పేర్కొంది.
Click it and Unblock the Notifications
Sign in with Google