తాగడానికి డబ్బులివ్వలేదని భార్యను నరికి చంపాడు

గుంటూరు: మద్యం తాగడానికి డబ్బులు ఇవ్వలేదనే ఆగ్రహంతో ఓ వ్యక్తి భార్యను హత్య చేశాడు. నడివీధిలో గొడ్డలితో నరికి చంపాడు. గుంటూరు జిల్లా వెల్దుర్తి మండలం గంగిరెడ్డిపల్లిలో గురువారం ఉదయం ఈ సంఘటన చోటు చేసుకుంది. వివరాలు ఈ కింది విధంగా ఉన్నాయి.

మద్యం తాగేందుకు డబ్బులు ఇవ్వాలని భార్యను ఓ తాగుబోతు డిమాండ్ చేశఆడు. ఆమె అందుకు నిరాకరించింది. దాంతో అప్పటికే తాగిన మత్తులో ఉన్న భర్త ఆమెపై గొడ్డలితో దాడి చేశాడు. ఈ పరిణామానికి భయపడిన మహిళ బయటకు పరుగులు తీసింది. ఆమెను అతను వెంబడించి నడి వీధిలో గొడ్డలితో ఆమెను నరికి చంపేశాడు.

తాగుబోతును అడ్డుకునేందుకు స్థానికులు ప్రయత్నించినా ఫలితం కనిపించలేదు. వారు పోలీసులకు సమాచారం అందించారు. ఈ సంఘటన స్థానికంగా తీవ్ర సంచలనం సృష్టించింది.

English summary

A man has chopped his wife to death in Guntur district. He resorted to the crime, as his wife rejected to give money for boozing.