• search
  • Live TV
చిత్తూరు వార్తల కోసం
నోటిఫికేషన్స్ పై క్లిక్ చేయండి  

మేయర్ అనురాధ దంపతుల హత్య: ఎవరీ చింటూ?

By Pratap
|

చిత్తూరు: మేయర్ అనురాధ దంపతుల హత్య కేసులో చింటూను కీలక సూత్రధారిగా పోలీసులు అనుమానిస్తున్నారు. నిజానికి, అనురాధ హత్య జరిగిన వెంటనే పోలీసులు చింటూ గురించి ఆలోచన చేశారు. మేయర్ దంపతుల అనుచరులు కూడా నేరుగా వెళ్లి చింటూ కార్యాలయానికి నిప్పు పెట్టారు. అతని ఆస్తులపై దాడులు చేశారు. దాంతో ఎవరీ చింటూ అనేది ఆసక్తికరమైన విషయంగా మారింది.

చింటూ అసలుపేరు చంద్రశేఖర్‌. అనురాధ భర్త మోహన్‌ అక్క సక్కుబాయి కుమారుడు. దాంతో అతను అనురాధకు మేనల్లుడవుతాడు. మెరైన్‌ ఇంజనీరింగ్‌ చేశాడు. ముంబైలో ఉద్యోగం చేస్తూ వచ్చాడు. ఆ క్రమంలో తొలిసారి 2007లో అతని పేరు ప్రముఖంగా వినిపించింది. మాజీ ఎమ్మెల్యే సీకేబాబుపై ఆ ఏడాది రెండుసార్లు హత్యా ప్రయత్నం జరిగింది. సీకేబాబుని టార్గెట్‌ చేసింది చింటూనే కావచ్చునని అప్పట్లో అనుకున్నారు.

Photos: మేయర్ అనూరాధ దంపతుల హత్య

2005లో చింటూ మేనమామ, టీడీపీ నేత కటారి మోహన్‌పై హత్యాయత్నం జరిగింది. దీనికి ప్రతీకారంగానే సీకే బాబుని చింటూ చంపాలని చూశాడంటూ పోలీసులు రెండు కేసులు నమోదు చేశారు. మేనమామతో పాటు అజ్ఞాతంలో ఉన్న చింటూ 2011లో చిత్తూరు జిల్లాకు వచ్చాడు.

Mayor Anuradha couple murder: Who is Chintoo?

కేసుల్లో విచారణకు హాజరవుతూనే అతను సొంత వ్యాపారాలను పెంచుకున్నాడు. రాజకీయ దృష్టితో చింటూ,బలిజ యువజన సేవాసమితిని నడిపిస్తున్నాడు. నిరుటి ఎన్నికల్లో టీడీపీ అధికారంలోకి వచ్చింది. మేనత్త అనూరాధ చిత్తూరు నగర మేయర్‌ అయ్యారు. అప్పటినుంచి జిల్లా రాజకీయాల్లో చురుగ్గా వ్యవహరించడానికి ప్రయత్నించాడు. అయితే ఈ విషయంలో కటారి కుటుంబం నుంచి ప్రోత్సాహం లభించలేదని చెబుతారు.

కార్పొరేషన్‌ వ్యవహారాల్లో, నగర రాజకీయాల్లో జోక్యంకోసం ఉత్సహపడిన చింటూ కటారి మోహన్‌ కుటుంబ సభ్యులు పట్టించుకోకపోవడంతో నిరాశకు లోనైనట్లు చెబుతారు. దాంతోనే కోపం పెంచుకుని అనురాధ దంపతులను అతను లక్ష్యం చేసుకున్నాడని అంటున్నారు. అధికారంలోకి వచ్చిన 18 నెలల్లో మేనత్త మీద పలుమార్లు ఫిర్యాదు చేసినట్లు చెబుతారు.

మేయర్‌ వాహనానికి నిబంధనలకు విరుద్ధంగా బ్లూ లైట్‌, సైరన్‌ వినియోగిస్తున్నారనే ఫిర్యాదు కూడా అతను చేశాడు. కుటుంబంలో రేగిన వివాదమే కటారి దంపతుల హత్యకు దారి తీసినట్లు పోలీసులు ప్రాథమిక నిర్ధారణకు వచ్చారు.

English summary
A marine engineering graduate Chintoo assisted Chittoor mayor anuradha couple's political career and turned as an enemy.
న్యూస్ అప్ డేట్స్ వెంటనే పొందండి
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more
X