ఆ నలుగురు నిద్రలోనే: గగన్‌పహాడ్ ప్రమాదం (పిక్చర్స్)

By Srinivas

Published: Friday, December 27, 2013, 10:01 [IST]

హైదరాబాద్: రాజధాని శివారు ప్రాంత గగన్‌పహాడ్ పారిశ్రామికవాడలోని ఓ రబ్బర్ కంపెనీలో జరిగిన ఘోర ప్రమాదంలో నలుగురు వ్యక్తులు సజీవ దహనమైన విషయం తెలిసిందే. రాత్రంతా పని చేసి అక్కడే సేదదీరిన ఆ నలుగురు వలస కార్మికులు అగ్నికి ఆహుతయ్యారు.

గురువారం తెల్లవారుజామున జరిగిన ఈ ప్రమాదంలో బాయిలర్ పైపు పేలి ఎగసిపడిన మంటల్లో వారు మృతి చెందారు. మృతులంతా బీహార్ రాష్ట్రానికి చెందిన వలస కూలీలే. వీరంతా కొంతకాలంగా శంషాబాద్ సమీపంలోని గగన్‌పహాడ్ పారిశ్రామిక వాడలో ఓ రబ్బర్ కంపెనీలో కూలీలుగా పని చేస్తున్నారు.

బుధవారం రాత్రంతా పనిచేసి అలసిన కార్మికులు కంపెనీలోనే ఉన్న గదిలో నిద్రపోయారు. ఆ గది పైనుంచి ఉన్న బాయిలర్ పైపు తెల్లవారుజామున ఐదు గంటల ప్రాంతంలో ఒక్కసారిగా పేలింది. అత్యంత శక్తివంతంగా ఎగిసిపడిన మంటల్లో నలుగురూ నిద్రలోనే సజీవ దహనమయ్యారు. సమాచారం తెలుసుకున్న కుటుంబ సభ్యులు, స్థానికులు పెద్ద సంఖ్యలో ఘటనా స్థలికి చేరుకున్నారు.

ప్రమాదం 1

రాజధాని శివారు ప్రాంత గగన్‌పహాడ్ పారిశ్రామికవాడలోని ఓ రబ్బర్ కంపెనీలో జరిగిన ఘోర ప్రమాదంలో నలుగురు వ్యక్తులు సజీవ దహనమయ్యారు.

ప్రమాదం 2

గగన్‌పహాడ్ పారిశ్రామికవాడలోని ఓ రబ్బర్ కంపెనీలో జరిగిన ఘోర ప్రమాదం జరగడంతో మంటలను ఆర్పేందుకు ఫైరింజన్లను రప్పించారు.

ప్రమాదం 3

కంపెనీ యాజమాన్యం నిర్లక్ష్యం వల్ల జరిగిన ప్రమాదంలో అమాయక కార్మికులు చనిపోయారని ఆరోపిస్తూ మృతుల బంధువులు, పలు కార్మిక సంఘాల నాయకులు కంపెనీ ఎదుట ఆందోళనకు దిగారు.

ప్రమాదం 4

మృతుల కుటుంబాలకు ఒక్కొక్కరికి 25 లక్షల పరిహారం అందించి ఆదుకోవాలని ఆందోళనకారులు డిమాండ్ చేశారు. వీరి ఆందోళనలతో కంపెనీ వద్ద కొద్దిసేపు ఉద్రిక్తత ఏర్పడింది.

ప్రమాదం 5

యాజమాన్యంపై కఠిన చర్యలు తీసుకోవాలని కార్మిక సంఘాలు డిమాండ్ చేశాయి. ఇలాంటి ఘటనలు మళ్లీ జరక్కుండా ప్రభుత్వ యంత్రాంగం కనీస వసతులు కల్పించని కంపెనీలను సీజ్ చేయాలని డిమాండ్ చేశాయి.

ప్రమాదం 6

ఇలా ఉండగా మృతుల కుటుంబాలకు ఒక్కొక్కరికి 10 లక్షల రూపాయల ఎక్స్‌గ్రేషియా అందిస్తామని కంపెనీ యజమాని కైలాష్ ప్రకటించారు.

ప్రమాదం 7

మృతుల కుటుంబ సభ్యులు, తోటి కార్మికుల రోదనలతో కంపెనీ ప్రాంగణం శోకసంద్రంగా మారింది. మంటల్లో మృతదేహాలు గుర్తుపట్టలేనంతగా పూర్తిగా కాలిపోయాయి.

ప్రమాదం 8

మృతదేహాలను నగరంలోని ఉస్మానియా ఆసుపత్రికి తరలించారు. ఉస్మానియా వైద్యులు డిఎన్‌ఎ పరీక్షలు నిర్వహించి మృతులను గుర్తించారు.

ప్రమాదం 9

ప్రమాదం 10

ప్రమాదం 11

రాజధాని శివారు ప్రాంత గగన్‌పహాడ్ పారిశ్రామికవాడలోని ఓ రబ్బర్ కంపెనీలో జరిగిన ఘోర ప్రమాదంలో నలుగురు వ్యక్తులు సజీవ దహనమయ్యారు. రాత్రంతా పని చేసి అక్కడే సేదదీరిన ఆ నలుగురు వలస కార్మికులు అగ్నికి ఆహుతయ్యారు.