దటీజ్ హైదరాబాద్, ఒబామాను రమ్మనండి: అమెరికా ప్రతినిధులతో కేటీఆర్ (పిక్చర్స్)

By Srinivas

Published: Wednesday, December 3, 2014, 9:11 [IST]

హైదరాబాద్: పెట్టుబడులకు హైదరాబాద్ అనువైన ప్రదేశమని, డిఫెన్స్, ఏరోస్పెస్ రంగాలకు ఇక్కడ అనువైన పరిస్థితులు ఉన్నాయని తెలంగాణ ప్రభుత్వం అమెరికా ప్రతినిధుల బృందానికి మంగళవారం వివరించింది.

భారత దేశానికి వస్తున్న అమెరికా అధ్యక్షుడు బరాక్ ఒబామాను హైదరాబాద్ రావలసిందిగా తెలంగాణ ప్రభుత్వం ఆహ్వానించింది.

ఉత్తర భారతదేశం కన్నా దక్షిణ భారతదేశం, అందులోనూ హైదరాబాద్‌కు రావడంవల్ల నిజమైన భారత దేశ అభివృద్ధిని తిలకించవచ్చునని అమెరికా బృందానికి వివరించారు.

కేటీఆర్‌తో అమెరికా బృందం

అమెరికా రాజకీయ సైనిక వ్యవహారాల సహాయ కార్యదర్శి పునీత్ తల్వార్ నాయకత్వంలో ప్రతినిధి బృందం మంగళవారం సచివాలయంలో ఐటి శాఖ మంత్రి కల్వకుంట్ల తారక రామారావును కలిసింది.

కేటీఆర్‌తో అమెరికా బృందం

వారం రోజులక్రితం నేషనల్ జియోగ్రాఫికల్ ట్రావెల్ మ్యాగజైన్ ప్రపంచంలో రెండవ అత్యున్నత నగరంగా హైదరాబాద్‌ను ప్రకటించిన విషయాన్ని మంత్రి కేటీఆర్ గుర్తుచేశారు.

కేటీఆర్‌తో అమెరికా బృందం

భారతదేశంతో వాణిజ్యపరమైన సంబంధాలను విస్తృతం చేసుకోవడానికి అమెరికా సిద్ధంగా ఉందని ప్రతినిధి బృందం తెలిపింది.

కేటీఆర్‌తో అమెరికా బృందం

అమెరికా అనుమతించే అత్యధిక హెచ్ 1బి వీసాలు హైదరాబాద్ నుంచే ఉన్నాయంటే ఇక్కడి ఉన్న నిపుణుల గురించి తెలుస్తోందన్నారు.

కేటీఆర్‌తో అమెరికా బృందం

అమెరికాతోపాటు వివిధ యూరప్ దేశాలు అధిక ప్రాధాన్యత ఇస్తున్న డిఫెన్స్, ఏరోస్పెస్ విభాగాల్లో హైదరాబాద్ అత్యంత వేగంగా అభివృద్ధి చెందుతున్న నగరమని కేటీఆర్ తెలిపారు.