టిడిపిలోకి రాయపాటి, బాబుకు పచ్చడి (పిక్చర్స్)

By Pratap

Updated: Monday, March 31, 2014, 21:26 [IST]

హైదరాబాద్: తెలుగుదేశం పార్టీ అధ్యక్షుడు నారా చంద్రబాబు నాయుడు తన పార్టీ కార్యాలయంలో సోమవారం ఉగాది పర్వదినాన్ని జరుపుకున్నారు. ఈ సందర్భంగా పంచాంగ పఠనం జరిగింది. చంద్రబాబుకు వచ్చే ఎన్నికలు సగం చేదును, సగం తీపిని మిగిల్చేట్లున్నాయి. సీమాంధ్రలో పటిష్టంగా ఉన్న తెలుగుదేశం తెలంగాణలో నీరసపడినట్లు సర్వేలో తేలింది.

అదే సమయంలో సీమాంధ్రలో తెలుగుదేశం పార్టీలోకి వలసలు పెరిగాయి. తాజాగా, ఇదే రోజు గుంటూరు పార్లమెంటు సభ్యుడు రాయపాటి సాంబశివ రావు చంద్రబాబు సమక్షంలో తెలుగుదేశం పార్టీలో చేరారు. రాయపాటి సాంబశివ రావు రాక టిడిపికి ప్రయోజనం చేకూర్చి పెడుతుందని చెప్పడంలో సందేహం లేదు.

అయితే, సీమాంధ్రలో వైయస్సార్ కాంగ్రెసు పార్టీ అధ్యక్షుడు వైయస్ జగన్మోహన్ రెడ్డిని చంద్రబాబు దీటుగా ఎదుర్కోవాల్సి ఉంటుంది. బిజెపితో పొత్తు కుదిరితే అది కాస్తా సులభం కావచ్చునని అంటున్నారు.

చంద్రబాబు ఇలా..

ఉగాది పర్వదినం సందర్భంగా తెలుగుదేశం పార్టీ అధ్యక్షుడు నారా చంద్రబాబు నాయుడు జ్యోతి ప్రజ్వలనం చేస్తూ ఇలా కనిపించారు.

బాబుతో నన్నపనేని..

ఉగాది ఉత్సవాల సందర్భంగా సోమవారం ఎన్టీఆర్ ట్రస్టు భవన్‌లో చంద్రబాబుతో పాటు పూజలు చేస్తూ ఆ పార్టీ నాయకురాలు నన్నపనేని రాజకుమారి కనిపించారు.

తెలంగాణపైనా దృష్టి..

సామాజిక తెలంగాణను ఏర్పాటు చేస్తానని చంద్రబాబు పదే పదే చెబుతున్నారు. కానీ తెలంగాణలో ఆ పార్టీకి వచ్చే ఎన్నికల్లో చేదు ఫలితాలే రావచ్చునని సర్వే ఫలితాలు చెబుతున్నాయి.

చంద్రుడేనా..

రాజు, మంత్రి చంద్రుడే కావడంతో ప్రజలకు మేలు జరిగే పాలన వస్తుందని, అందరికీ సమన్యాయం జరుగుతుందని ప్రముఖ జ్యోతిష్కుడు పొన్నలూరి శ్రీనివాస గార్గేయ అంటూ పంచాంగ పఠనం గావించారు.