వైసీపీ మార్పులపై ప్లీనరీలోనే -బీజేపీకి మద్దతివ్వలేదు-వెంకయ్యపై టీడీపీ షాక్-సజ్జల కామెంట్స్

ఏపీలో మూడేళ్ల పాలన పూర్తి చేసుకుంటున్న వైసీపీ సర్కార్.. పార్టీ ప్లీనరీ నిర్వహించేందుకు సిద్ధమవుతోంది. ఈ నెల 7,8 తేదీల్లో గుంటూరు జిల్లా మంగళగిరి వద్ద నాగార్జున యూనివర్శిటీ ఎదురుగా ఉన్న ప్రాంతంలో ఈ ప్లీనరీ జరగబోతోంది. ఈ నేపథ్యంలో పార్టీ కీలక నేత సజ్జల రామకృష్ణారెడ్డి కీలక వ్యాఖ్యలు చేశారు.

ఏపీలో వైసీపీ ప్రభుత్వం ఇచ్చిన వందశాతం హామీల్ని పూర్తి చేసిందని సజ్జల రామకృష్ణారెడ్డి తెలిపారు. పార్టీ ప్లీనరీ నిర్వహణ ఏర్పాట్లపై బిజీగా ఉన్న ఆయన.. ఇవాళ మీడియాతో మాట్లాడారు. వైసీపీలో సంస్ధాగత మార్పులపై ప్లీనరీలో నిర్ణయం తీసుకుంటామని ఆయన తెలిపారు. ఇప్పటికే ప్లీనరీలో వైసీపీ ప్రకటించే నిర్ణయాలపై ఉత్కంఠ నెలకొన్న నేపథ్యంలో సజ్జల వ్యాఖ్యలు ప్రాధాన్యం సంతరించుకున్నాయి.

అలాగే తాజాగా వైసీపీ ఏలూరు ఎంపీ కోటగిరి శ్రీధర్ చేసిన వ్యాఖ్యలపైనా సజ్జల స్పందించారు. కేంద్రంలో బీజేపీకి వైసీపీ మద్దతుపై దాపరికాలేమీ లేవంటూ ఆయన చేసిన వ్యాఖ్యలపై మాట్లాడారు. బీజేపీ, వైసీపీ సిద్ధాంతాలు వేర్వేరన్నారు. అలాగే బీజీపీ పెట్టిన ఏ బిల్లుకీ మద్దతివ్వలేదని సజ్జల చెప్పుకొచ్చారు. మరోవైపు వెంకయ్య నాయుడికి రాష్ట్రపతి పదవి అంశంపైనా సజ్జల కీలక వ్యాఖ్యలు చేశారు. వెంకయ్యకు రాష్ట్రపతి పదవి రాకపోడంతో టీడీపీ షాక్ కు గురైందన్నారు.
అందుకే టీడీపీ నేతలు నోరెత్తడం లేదని సజ్జల వ్యాఖ్యానించారు.

English summary

ysrcp leader sajjala ramakrishnareddy ontoday made interesting comments on party pleanary, tdp and venkaiah naidu's rastrapati post.