రిజైన్ చేసినా ఆగదనే: కిల్లి, శత్రుచర్ల కాన్వాయ్‌పై చెప్పు

శ్రీకాకుళం: మంత్రి శత్రుచర్ల విజయ రామరాజుకు సమైక్య సెగ తగిలింది. ఫైలిన్ తుఫాను ప్రభావిత ప్రాంతాల్లో సందర్శనకు వెళ్లిన మంత్రి కాన్వాయ్ పైన గుర్తు తెలియని వ్యక్తులు చెప్పులు విసిరారు. సమైక్యాంధ్రకు అనుకూలంగా నినాదాలు చేశారు. జిల్లాలోని కొత్తూరులో ఈ సంఘటన జరిగింది. ఈ ఘటనపై శత్రుచర్ల ఆగ్రహం వ్యక్తం చేశారు.

అందుకే రాజీనామా చేయలేదు: కిల్లి

తన రాజీనామా వల్ల ఆంధ్రప్రదేశ్ రాష్ట్ర విభజన ప్రక్రియ ఆగదని అందుకే తాను రాజీనామా చేయలేదని కేంద్రమంత్రి కిల్లి కృపారాణి వేరుగా అన్నారు. ఆమెను సమైక్యవాదులు అడ్డుకున్నారు. ఈ సమయంలో పైవిధంగా స్పందించారు.

విజయమ్మ పర్యటన

వైయస్సార్ కాంగ్రెసు పార్టీ గౌరవాధ్యక్షురాలు వైయస్ విజయమ్మ బుధవారం శ్రీకాకుళం జిల్లాలో తుఫాను ప్రభావిత ప్రాంతాలలో పర్యటిస్తారు. పలాస, ఇచ్ఛాపురంలలో విజయమ్మ పర్యటిస్తారు.

సిఎం కార్యాలయ కార్యదర్శితో అశోక్ బాబు భేటీ

ముఖ్యమంత్రి కార్యాలయం రాజకీయ కార్యదర్శి శివశంకర్‌తో ఎపిఎన్జీవోల అధ్యక్షుడు అశోక్ బాబు భేటీ అయ్యారు.

English summary

Minister Satrucharla Vijaya Rama Raju on Tuesday faced the ire of Seemandhra agitators in Srikakulam district.