దేశంలోనే అతిపెద్ద పొలిటికల్ పోల్: ఈ సర్వేలో మీరు పాల్గొన్నారా?
  • search

మోసం, కక్ష సాధింపు: కేంద్రంపై టీడీపీ ఎంపీల విమర్శలు, స్పీకర్ ఆగ్రహం, సభ నుంచి వాకౌట్

Subscribe to Oneindia Telugu
For Quick Alerts
ALLOW NOTIFICATIONS
For Daily Alerts
      Sumitra Mahajan Criticises TDP MPs For Holding Placards in Loksabha

      న్యూఢిల్లీ: ఆంధ్రప్రదేశ్ రాష్ట్రం పట్ల కేంద్రం వ్యవహరిస్తున్న తీరుకు నిరసనగా తెలుగుదేశం పార్టీ ఎంపీలు పార్లమెంటు సమావేశాల నుంచి వాకౌట్ చేశారు. అంతకుముందు లోక్‌సభలో ప్లకార్డులు ప్రదర్శించడంపై స్పీకర్ సుమిత్ర మహాజన్ టీడీపీ ఎంపీలపై ఆగ్రహం వ్యక్తం చేశారు. సభ నుంచి వాకౌట్ చేసిన అనంతరం మీడియాతో టీడీపీ ఎంపీలు మాట్లాడుతూ కేంద్రంపై విమర్శలు చేశారు.

      ఎంపీ మురళీ మోహన్ మాట్లాడుతూ.. బీజేపీ ఏపీ ప్రభుత్వంపై నిరాధార ఆరోపణలు చేస్తోందని మండిపడ్డారు. ఒక్కసారైనా ఎన్నికల్లో గెలిశారా? అంటూ బీజేపీ ఎంపీ జీవీఎల్ నర్సింహారావునుద్దేశించి విమర్శించారు. హోదాపై కేంద్రం ఎందుకు సమాధానం చెప్పడం లేదని ప్రశ్నించారు. హోదా ఇవ్వవద్దని 14వ ఆర్థిక సంఘం చెప్పిందని చెప్పడం అబద్ధమని అన్నారు.

      Sumitra Mahajan criticises TDP MPs holding placards in Lok Sabha

      ఎన్టీఆర్ చెప్పినట్లు తాము మడమ తిప్పమని, రాష్ట్ర హక్కుల కోసం పోరాటం కొనసాగిస్తున్నామని మురళీమోహన్ చెప్పారు. రైల్వే జోన్ అంశంపైనా కేంద్రం మాయమాటలు చెబుతోందని అన్నారు. ఉత్తరాంధ్ర 3జిల్లాలకు చెందిన ప్రజాప్రతినిధులు మంగళవారం ఢిల్లీ వస్తారని, వారితో కలిసి తాము రైల్వే మంత్రిని కలుస్తామని చెప్పారు. సానుకూలంగా స్పందించకుంటే నిరసన చేపడతామని చెప్పారు.

      టీడీపీ ఎంపీ రామ్మోహన్నాయుడు మాట్లాడుతూ.. ఏపీని బీజేపీ మోసం చేసిందన్నారు. యూసీల పేరుతో ఏపీ ప్రభుత్వాన్ని బ్లేమ్ చేస్తోందని అన్నారు. మరో ఎంపీ జేసీ దివాకర్ రెడ్డి మాట్లాడుతూ.. ఏపీపై ప్రధాని నరేంద్ర మోడీ కక్ష సాధింపు దోరణితో వ్యవహరిస్తున్నారని ఆరోపించారు. అకౌంట్లలో డబ్బులు వేసి మరీ వెనక్కి తీసుకోవడమేంటని ఆయన ప్రశ్నించారు. కాగా, ఎంపీ శివప్రసాద్ ఈరోజు శ్రీరాముడి వేషాధారణలో కేంద్ర ప్రభుత్వంపై నిరసన వ్యక్తం చేశారు. మరోవైపు రాష్ట్రానికిచ్చిన హామీలు నెరవేర్చాలంటూ వైయస్సార్ కాంగ్రెస్ పార్టీ ఎంపీలు కూడా నిరసనలు చేపట్టారు.

      English summary
      TDP MP Rammohan Naidu Kinjarapu raked up the issue of lack of funds from the Centre for the state of Andhra Pradesh and demanded Rs 350 crore funds be released by the government for the development of the state's backward districts.

      Oneindia బ్రేకింగ్ న్యూస్
      రోజంతా తాజా వార్తలను పొందండి

      X
      We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more