జబర్దస్త్ షో పెడుతున్నారో లేక: రోజాపై టిడిపి ఎమ్మెల్యే తీవ్రవ్యాఖ్యలు
వైయస్సార్ కాంగ్రెస్ పార్టీ ఎమ్మెల్యే రోజాపై పిఠాపురం తెలుగుదేశం పార్టీ ఎమ్మెల్యే వర్మ గురువారం తీవ్ర వ్యాఖ్యలు చేశారు. ఎంతో రాజకీయ అనుభవం ఉన్న మంత్రి యనమల రామకృష్ణుడు గురించి మాట్లాడే స్థాయి రోజాకు లేదన్నారు.
అమరావతి: వైయస్సార్ కాంగ్రెస్ పార్టీ ఎమ్మెల్యే రోజాపై పిఠాపురం తెలుగుదేశం పార్టీ ఎమ్మెల్యే వర్మ గురువారం తీవ్ర వ్యాఖ్యలు చేశారు. ఎంతో రాజకీయ అనుభవం ఉన్న మంత్రి యనమల రామకృష్ణుడు గురించి మాట్లాడే స్థాయి రోజాకు లేదన్నారు.
ఒకేరోజు పర్యటన: ఆశ్చర్యపరిచిన లోకేష్, బ్రాహ్మణి భావోద్వేగం
కేవలం జగన్ ఇస్తున్న ప్యాకేజీల కోసమే రోజా అలా మాట్లాడుతున్నారని ఆరోపించారు. ప్రతిరోజు పోలవరం ప్రాజెక్టు గురించి విమర్శించడం వైసిపికి అలవాటుగా మారిందన్నారు.
అసలు రోజా కానీ, జగన్ కానీ ఏనాడైనా పోలవరం ప్రాజెక్టును చూశారా అని నిలదీశారు. ఐరన్ లెగ్ రోజా ఎల్లప్పుడూ వైసిపిలోనే ఉండాలని వర్మ వ్యాఖ్యానించారు.
అప్పుడు జగన్ ఎప్పటికీ ప్రతిపక్షంలోనే ఉంటారని ఎద్దేవా చేశారు. కాకినాడలో వైసిపి జిల్లా ప్లీనరీకి ఏర్పాట్లు చేస్తున్నారని, జనాలకు మాత్రం అక్కడ ప్లీనరీ పెడుతున్నారో లేక రోజా జబర్దస్త్ షో పెడుతున్నారో అర్థం కావడం లేదన్నారు.