130స్థానాల్లో టీడీపీ విజయం పక్కా..స్ట్రాంగ్ రూమ్స్ దగ్గర కాపలా కాయండి..టెలీకాన్ఫరెన్స్ లో చంద్రబాబు

Updated: Friday, April 12, 2019, 11:03 [IST]

175 స్థానాల్లో 130 గెలవటం ఖాయం అన్న చంద్రబాబు

400 కేంద్రాలలో సాంకేతిక సమస్యలవల్ల పోలింగ్ ఆలస్యం అయినందున అర్దరాత్రి కూడా ఓటింగ్ కొనసాగింది . 80 శాతం పైగా పోలింగ్ శాతం నమోదైనట్టు తెలుస్తుంది. ఇక ఏపీలో జరిగిన పోలింగ్ లో మొత్తం 175 స్థానాల్లో టీడీపీ 130 స్థానాలు కైవసం చేసుకోవటం పక్కా అంటున్నారు టీడీపీ అధినేత చంద్రబాబు . రాష్ట్రంలో తెలుగుదేశం పార్టీదే అధికారమన్నారు ఏపీ సీఎం చంద్రబాబు నాయుడు.

అర్దరాత్రి టీడీపీ నేతలతో టెలీకాన్ఫరెన్స్ .. ఫలితాలు వెలువడేవరకు స్ట్రాంగ్ రూమ్లకు కాపలా కాయాలని చెప్పిన బాబు

గురువారం అర్థరాత్రి తెదేపా నేతలతో సీఎం టెలికాన్ఫరెన్స్ నిర్వహించారు. తనకందిన సమాచారం ప్రకారం 130 స్థానాల్లో టీడీపీ గెలుస్తుందని చంద్రబాబు స్పష్టం చేశారు.అర్థరాత్రి వరకు పోలింగ్ బూత్‌లలో విధులు నిర్వహించిన ఏజెంట్లకు సీఎం అభినందనలు తెలిపారు. కౌంటింగ్ వరకు ఇదే పోరాట పటిమ కొనసాగించాలని, స్ట్రాంగ్ రూంల వద్ద వచ్చే 40 రోజులు షిఫ్టుల వారీగా కాపలా కాయాలని చంద్రబాబు పిలుపునిచ్చారు. ఫలితాలు వెలువడే వరకు పూర్తి అప్రమత్తంగా ఉండాలని పార్టీ శ్రేణులకు సూచించారు .

అర్దరాత్రి టీడీపీ నేతలతో టెలీకాన్ఫరెన్స్ .. ఫలితాలు వెలువడేవరకు స్ట్రాంగ్ రూమ్లకు కాపలా కాయాలని చెప్పిన బాబు

ఓడిపోతున్నామనే ఫస్ట్రేషన్‌తో వైసీపీ పలుచోట్ల విధ్వంసాలకు పాల్పడిందని ముఖ్యమంత్రి ఎద్దేవా చేశారు. రాష్రంలో పోలింగ్ సదర్భంగా జరిగిన గొడవలన్నీ వైసీపీ ఓటమి భయంతో చేసిందని చంద్రబాబు ఫైర్ అయ్యారు. అర్థరాత్రి 12 గంటలు అయిన తరువాత కూడా 200 పోలింగ్ బూత్‌లలో పోలింగ్ సాగిందన్నారు.మహిళలు, ఇతరులు ఇబ్బంది పడాలనే ఈ పరిస్థితి కల్పించారని.. ఓటింగ్ సజావుగా సాగడానికి కార్యకర్తలు, ప్రజలే కారణమని... ఎవరు ఎన్ని కుట్రలు పన్నినా, అడ్డంకులు సృష్టించినా ప్రజలు తెలుగుదేశం వైపే నిలిచారని చంద్రబాబు స్పష్టం చేశారు. ఈసారి పెరిగిన ఓటింగ్ కూడా తమకే అనుకూలంగా ఉందని చంద్రబాబు ధీమా వ్యక్తం చేశారు .