ఏపీలో టాప్ 10 బెస్ట్ ఎమ్మెల్యేలు వీరే: RISE సర్వే షాకింగ్ నిజాలు!

ఏపీలో కూటమి పాలనకు రెండేళ్లు పూర్తైన తరుణంలో.. పాలన ఎలా ఉంది? ఏ ఎమ్మెల్యేకి ఎన్ని మార్కులు? అభివృద్ధి ఎంత? అవినీతి ఎంత? ఎంపీల పనితీరు ఎలా ఉంది? సమగ్ర సర్వేలో ప్రజా స్పందన ఎలా ఉంది? అనే వివరాలు వెల్లడయ్యాయి. రాష్ట్రంలో ప్రజా సమస్యల పరిష్కారం, నియోజకవర్గాల అభివృద్ధి, ప్రజలతో నిరంతరం అనుసంధానమై ఉండటంలో అత్యున్నత ప్రతిభ కనబరిచిన ప్రజా ప్రతినిధుల జాబితా విడుదలైంది.

ప్రముఖ సర్వే సంస్థ 'రైస్' (RISE - Research, Consulting, Management) 2026 ఏడాదికి గానూ నిర్వహించిన సమగ్ర క్షేత్రస్థాయి అధ్యయనంలో రాష్ట్రంలోని 'టాప్ 10 పెర్ఫార్మింగ్ ఎమ్మెల్యేల' వివరాలను అధికారికంగా వెల్లడించింది. నాయకత్వ పటిమ, ఫలితాల ఆధారిత ప్రజా సేవ, ప్రజల సంక్షేమానికి కట్టుబడి ఉండటం (Leadership, Performance, People First) వంటి ముఖ్యమైన సూచీలను ప్రాధాన్యతలోకి తీసుకుని ఈ సర్వేను నిర్వహించారు.

అగ్రస్థానాల్లో బెజవాడ, నెల్లూరు, పాలకొల్లు నేతలు!

ఈ ప్రతిష్టాత్మక సర్వే నివేదిక ప్రకారం.. విజయవాడ తూర్పు నియోజకవర్గ శాసనసభ్యులు గద్దె రామ్మోహన్ ప్రథమ స్థానంలో నిలిచి అత్యుత్తమ పనితీరు కనబరిచిన ఎమ్మెల్యేగా గుర్తింపు పొందారు. ఆ తర్వాతి స్థానంలో నెల్లూరు రూరల్ హ్యాట్రిక్ ఎమ్మెల్యే కోటంరెడ్డి శ్రీధర్ రెడ్డి ద్వితీయ స్థానాన్ని కైవసం చేసుకోగా, పాలకొల్లు నియోజకవర్గ ఎమ్మెల్యే, మంత్రి నిమ్మల రామానాయుడు తృతీయ స్థానాన్ని దక్కించుకున్నారు.

జాబితాలో నిలిచిన టాప్ 10 ఎమ్మెల్యేల పూర్తి వివరాలు:

• గద్దె రామ్మోహన్ - విజయవాడ తూర్పు
• కోటంరెడ్డి శ్రీధర్ రెడ్డి - నెల్లూరు రూరల్
• నిమ్మల రామానాయుడు (మంత్రి) - పాలకొల్లు
• మద్దిపాటి వెంకటరాజు - గోపాలపురం
• పల్లా శ్రీనివాస్ - గాజువాక
• కె. వెంకట ప్రసాద్ - కదిరి
• సుజనా చౌదరి - విజయవాడ పశ్చిమ
• నందమూరి బాలకృష్ణ - హిందూపురం
• బేబీ నాయన - బొబ్బిలి
• యరపతినేని శ్రీనివాస్ - గురజాల
• సుస్థిర ప్రగతి దిశగా అడుగులు

పారదర్శకమైన, బాధ్యతాయుతమైన సుపరిపాలన అందించడంతో పాటు అభివృద్ధి ఫలాలను ప్రజల దరికి చేర్చడంలో ఈ పదిమంది ఎమ్మెల్యేలు మిగిలిన వారికంటే ముందున్నారని 'రైస్' సంస్థ అధినేత ప్రవీణ్ పుల్లట్ల ఎక్స్ వేదికగా వెల్లడించారు. అలాగే ఉత్తరాంధ్ర, ఉభయ గోదావరి జిల్లాల్లో మెజారిటీ ఎమ్మెల్యేలపై తీవ్రమైన వ్యతిరేకత ఉందని తెలిపారు.

🏆 RISE Survey 2026 | Andhra Pradesh Top 10 Performing MLAs
అభివృద్ధి, ప్రజలతో అనుసంధానం, సమస్యల పరిష్కారంలో చూపిన పనితీరు ఆధారంగా RISE నిర్వహించిన అధ్యయనంలో ఎంపికైన ఆంధ్రప్రదేశ్ టాప్ 10 పెర్ఫార్మింగ్ ఎమ్మెల్యేలు వీరే!
.#RISE #Top10MLAs #AndhraPradesh #PerformanceSurvey… pic.twitter.com/mbj4zT54O7

— Praveen Pullata (@praveenpullata) June 13, 2026

English summary

The RISE Survey 2026 reveals the Top 10 performing MLAs of Andhra Pradesh based on leadership, development, and public service, with Vijayawada East MLA Gadde Rama Mohan securing the first rank. రాష్ట్రంలోని 'టాప్ 10 పెర్ఫార్మింగ్ ఎమ్మెల్యేల' వివరాలను అధికారికంగా వెల్లడించింది రైస్ సర్వే సంస్థ