ఏపీకి ఫరవాలేదు, టీకి నిరాశ: ఏ రాష్ట్రానికి రాని ఐఐఎం

హైదరాబాద్: కేంద్ర బడ్జెట్ పైన ఆంధ్రప్రదేశ్, తెలంగాణ రాష్ట్రాలు పూర్తిగా సంతృప్తి వ్యక్తం చేయడం లేదనే చెప్పవచ్చు. అయితే, ఈ బడ్జెట్‌లో ఏపీకి కొంతలో కొంత ఊరట దక్కినా, తెలంగాణకు మాత్రం నిరాశే మిగిలిందనే వ్యాఖ్యలు వినిపిస్తున్నాయి. ఈ బడ్జెట్‌ను ఆంధ్రప్రదేశ్ టీడీపీ స్వాగతించింది. వైయస్సార్ కాంగ్రెస్ పార్టీ ఫరవాలేదని వ్యాఖ్యానించింది. ఏపీ కాంగ్రెసు పార్టీ రాజధాని అంశాన్ని లేవనెత్తుతున్నారు.

ఏపీకి కొంతలో కొంత ఊరట దక్కినప్పటికీ తెలంగాణకు మాత్రం నిరాశే మిగిలిందని అంటున్నారు. తెలంగాణ ప్రాంతానికి కంటితుడుపు చర్యగా కేవలం హార్టీకల్చర్ విశ్వవిద్యాలయం మాత్రమే ప్రతిపాదించారని, దీంతో పాటు హైదరాబాదులో డెట్ రికవరీ ట్రైబ్యునల్ ఏర్పాటు చేశారని అంటున్నారు.

మొత్తంగా చూస్తే ఆంధ్రప్రదేశ్ పైన కొంతలో కొంత వరాల జల్లు కురిపించినప్పటికీ తెలంగాణకు మాత్రం మొండిచేయి చూపించారని అంటున్నారు. ఏపీకి వ్యవసాయ విశ్వవిద్యాలయం, విశాఖ - చెన్నై పారిశ్రామిక కారిడార్, కాకినాడ పోర్టు అభివృద్ధికి ప్రోత్సాహకాలు, కృష్ణపట్నంలో ఇండస్ట్రియల్ స్మార్ట్ సిటీ, హిందూపురంలో నేషనల్ కస్టమ్స్ అండ్ ఎక్సైజ్ అకాడమీలతో పాటు ఐఐటీ, ఎయిమ్స్ ప్రతిపాదించారు. కాగా, రెండు రాష్ట్రాలకు ఐఐఎంలు రాలేదు.

English summary

It is said that Telangana state neglected in Budget.