26న సీనియర్ సిటిజన్లు, దివ్యాంగుల కోసం టీటీడీ దర్శన టికెట్లు

Published: Tuesday, October 25, 2022, 23:40 [IST]

తిరుపతి: సీనియర్ సిటిజన్లు, దివ్యాంగులకు తిరుమల తిరుపతి దేవస్థానం(టీటీడీ) శుభవార్త తెలిపింది. వారి కోటా కింద నవంబర్ నెలకు సంబంధించిన ఆన్‌లైన్ దర్శనం టికెట్లను అక్టోబర్ 26న మధ్యాహ్నం 3 గంటలకు విడుల చేయనున్నట్లు పేర్కొంది.

శ్రీవారి భక్తులు ఈ అవకాశాన్ని సద్వినియోగం చేసుకోవాలని టీడీపీ కోరింది.
అయితే, అడ్మినిస్ట్రేటివ్ కారణాల వల్ల ప్రత్యేక దర్శనం టికెట్ల(రూ. 300)ను, తిరుమల అకామిడేషన్ డిసెంబర్ కోటాను అక్టోబర్ 26వ తేదీన ఉదయం 10 గంటలకు విడుదల చేయనున్నారు.

వాస్తవానికి ఈ టికెట్లను అక్టోబర్ 27న విడుదల చేయాల్సి ఉంది. భక్తుల సౌకర్యార్థం ఒక్కరోజు ముందుగానే విడుల చేస్తున్నారు.