• search

విశాఖ:మహిళ సజీవ దహనం కేసులో వీడిన మిస్టరీ,అక్రమ సంబంధమే కారణం

By Suvarnaraju
Subscribe to Oneindia Telugu
For Quick Alerts
ALLOW NOTIFICATIONS
For Daily Alerts

    విశాఖపట్టణం: విశాఖనగరంలో ఈనెల 4 వ తేదీన నరవా రోడ్డులో ఒక గుర్తు తెలియని మహిళ మృతదేహం సజీవ దహనం స్థితిలో కనిపించడం సంచలనం సృష్టించిన సంగతి తెలిసిందే. ఈ కేసును ఒక ఎసిపి ఆధ్వర్యంలో నలుగురు సిఐలు, ఆరుగురు ఎస్ఐలు, 16 మంది పోలీసులు పోలీసులు నిర్విరామంగా పరిశోధించి ఎట్టకేలకు విజయవంతంగా ఈ మర్డర్ మిస్టరీని చేధించారు.

    గోపాలపట్నానికి చెందిన ఓ ఫోటో గ్రాఫర్ ఆ మహిళను హత్య చేసి అనంతరం తగలబెట్టినట్లుగా పోలీసులు నిర్దారించారు. మృతురాలు గుంటూరు నగరానికి చెందిన సుజాత అనే వివాహితగా గుర్తించారు. తన పెళ్లికి అడ్డు తగులుతోందన్న కోపంతోనే ఆమె ప్రియుడు సతీష్ ప్లాన్ ప్రకారం హత్య చేసినట్లు పోలీసులు తెలిపారు. ఆ నిందితుడిని అరెస్ట్ చేసి మీడియా ముందు హాజరుపర్చారు. పోలీసుల కథనం ప్రకారం పూర్తి వివరాలు ఇలా ఉన్నాయి.

    Visakha Police solve murder mystery behind woman burning body

    గుంటూరు నగరానికి చెందిన సుజాతకు 2004లో నెల్లూరు జిల్లాకు చెందిన వ్యక్తితో వివాహంఅయింది. ఈ జంటకు ఇద్దరు మగపిల్లలు సంతానం. అయితే ఆ తర్వాత ఈ దంపతుల మధ్య విభేధాలు తలెత్తడంతో విడాకులు తీసుకుని విడిపోయారు. ఆ తర్వాత సుజాత ఉద్యోగం వెతుక్కుంటూ విశాఖ నగరం చేరి అక్కడ ఓ హాస్టల్లో ఉంటూ ఎట్టకేలకు ఓ సంస్థలో ఉద్యోగం సంపాదించింది.

    ఆమెకు అదే సంస్థలో పనిచేస్తున్న సతీష్ అనే యువకుడు పరిచయం కావడంతో అది ప్రేమగా మారింది. ఆ క్రమంలో వీరిద్దరూ సింహాచలంలో పెళ్లి చేసుకుని కాపురం కూడా పెట్టారు. అయితే ఇటీవల సతీష్‌కు ఇంట్లోవాళ్లు పెళ్లి సంబంధం కుదిర్చారు. సతీష్ ఆ విషయం ఈమెకు చెప్పకుండా సైలెంట్ గా పెళ్లి కి సిద్దపడ్డాడు. దీంతో వేరేవారి ద్వారా ఈ విషయం తెలుసుకున్న సుజాత సతీష్ తో తీవ్రంగా గొడవపడింది. నువ్వెలా పెళ్లిచేసుకుంటావో చూస్తానంది.

    దీంతో సుజాత ఉండగా తాను పెళ్లి చేసుకోవడం అసాధ్యమని భావించిన సతీష్ ఎలాగైనా ఆమెని అడ్డు తొలగించుకోవాలని నిర్ణయించుకున్నాడు. ఆ క్రమంలో సుజాతను హత్య చేసి ఆ తరువాత ఆమెని తగులబెట్టాడని పోలీసులు వెల్లడించారు. నిందితుడిని కోర్టులో హాజరుపర్చనున్నట్లు తెలిపారు.

    English summary
    Visakhapatnam:Visakha Police have uncovered the mystery behind an unidentified woman body found burning two weeks ago near a narava road in the city. Police said the victim, identified as a lady from Guntur, was murdered by his lover in the background of illegal contact.

    Oneindia బ్రేకింగ్ న్యూస్
    రోజంతా తాజా వార్తలను పొందండి

    X
    We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more