‘నారా- వైయస్’ల మధ్య తేడా తెలుసా?, భువనేశ్వరి, బ్రాహ్మణిల శ్రమ: జగన్కు లోకేష్ సవాల్
అమరావతి: వైయస్సార్ కాంగ్రెస్ పార్టీ అధినేత వైయస్ జగన్మోహన్ రెడ్డి తనపై చేసిన ఆరోపణలకు ఏపీ మంత్రి నారా లోకేష్ కౌంటర్ ఇచ్చారు. ప్రియమైన ప్రతిపక్ష నేత అంటూనే ట్విట్టర్ వేదికగా విమర్శలు గుప్పించారు.
నారా, వైయఎస్ ఇంటి పేర్లు చాలా వ్యత్యాసం ఉందని, తాము అభివృద్ధి మార్గం ఎంచుకుంటే.. మీరు అవినీతి, అక్రమాల వైపు ఉంటారంటూ నారా లోకేష్ ఎద్దేవా చేశారు.
Dear Opp Leader, there is a difference between the surnames Nara & YS. While development of the State is our plank, you’ve made the plank of corruption your own. Remember that we are the only political family declaring assets YoY. Do you have the guts to follow us?
— Lokesh Nara (@naralokesh) June 5, 2018
'రాజకీయాల్లో ఆస్తులు ప్రకటించేది తమ కుటుంబం మాత్రమేనన్న లోకేష్.. మీ ఆస్తులు ప్రకటించే దమ్ముందా?' అని జగన్మోహన్ రెడ్డికి లోకేష్ సవాల్ విసిరారు.
And don’t take away the credit of building Heritage from my mother and Brahmani who have put in their sweat since the past 25 years. Your father filed 20+ cases against us, & failed to prove anything because we have conducted business with ethics. Why don’t you learn from it?
— Lokesh Nara (@naralokesh) June 5, 2018
'హేరిటేజ్ సంస్థ 25ఏళ్ల శ్రమ ఫలితం. సంస్థ ఎదుగుదల కోసం నా తల్లి, బ్రాహ్మణి నిరంతరం శ్రమిస్తున్నారు. హెరిటేజ్ విలువలతో ఎదిగిన సంస్థ కాబట్టే వైయస్ రాజశేఖర్ రెడ్డి 20కి పైగా కేసులు పెట్టించినా ఒక్క ఆధారం కూడా చూపించలేకపోయారు. ఇప్పటికైనా మీలో పరివర్తన వచ్చి సక్రమ మార్గంలో నడుచుకోవాలని కోరుకుంటున్నా ' అని లోకేష్ ట్విట్టర్లో పేర్కొన్నారు.