నాలుగేళ్ల కనిష్టానికి వృద్ధిరేటు: 2017-18 జీడీపీ అంచనా 6.5శాతం

Subscribe to Oneindia Telugu
For Quick Alerts
ALLOW NOTIFICATIONS
For Daily Alerts

    న్యూఢిల్లీ: భారత వృద్ధిరేటు నాలుగేళ్ల కనిష్టానికి చేరుకున్నట్లు తెలుస్తోంది. గత ఏడాదితో పోలిస్తే.. ప్రస్తుత ఆర్థిక సంవత్సరం భారత వృద్ధి రేటు మందగించినట్లు నివేదికలు వెల్లడిస్తున్నాయి. 2017-18లో మన జీడీపీ ప్రగతి 6.5 శాతానికి పరిమితం కానుందని.. కేంద్ర గణాంక కార్యాలయం (సీఎస్ఓ) ముందస్తుగా అంచనా వేసింది.

    గత ఆర్థిక సంవత్సరంలో భారత ఆర్థిక వ్యవస్థ 7.1 శాతం పురోగతి సాధించింది. జీడీపీ నుంచి నికర పన్నులను మినహాయించగా.. జీవీఏ (గ్రాస్ వాల్యూ యాడెడ్) వస్తుంది. 2016-17లో జీవీఏ వృద్ధి 7.1 శాతంగా ఉంది. కాగా, ప్రస్తుత ఏడాది అది 6.7 శాతానికి తగ్గనుందని తెలుస్తోంది. ఆర్‌బీఐ అంచనాల కంటే ప్రభుత్వ అంచనాలు తక్కువగా ఉండటం గమనార్హం.

     GDP Expected To Grow At 6.5% In 2017-18, Forecasts Government

    గత ఏడాదితో పోలిస్తే ఈసారి వ్యవసాయ రంగ పురోగతి తక్కువగా ఉందని సీఎస్‌వో తెలిపింది. గత ఏడాది వ్యవసాయం, అనుంబంధ రంగాలు 4.9 శాతం వృద్ధి చెందగా.. ఈసారి అది 2.1 శాతానికే పరిమితమైంది. ఉత్పత్తి రంగం పురోగతి కూడా 7.9 శాతం నుంచి 4.6 శాతానికి తగ్గింది.

    ఈ ఆర్థిక సంవత్సరంలో ఎలక్ట్రిసిటీ అండ్ ట్రేడ్, హోటల్ రంగాల్లు మాత్రమే వృద్ధి బాటలో సాగాయి. గత ఏడాది ఈ రంగాలు 7.5 శాతం చొప్పున అభివృద్ధి చెందగా.. ఈ ఆర్థిక సంవత్సరంలో అది 8.7 శాతంగా ఉంది. ఆర్థిక శాఖ బడ్జెట్ కోసం కసరత్తు చేస్తున్న తరుణంలో వెలువడిన ఈ అంచనాలు కీలకంగా మారాయి.

    English summary
    The GDP or gross domestic product economy is expected to grow at 6.5 per cent this fiscal (2017-18), according to the first advance estimates of the Central Statistics Office. The economy had clocked a 7.1 per cent growth rate in 2016-17.

    Oneindia బ్రేకింగ్ న్యూస్
    రోజంతా తాజా వార్తలను పొందండి

    X
    We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more