Gold Rate Today: బంగారం ధరలలో ఊహించని మార్పులు.. నేటి ధరలు ఇవిగో!

భారతదేశంలో బంగారానికి ఉన్న ప్రాముఖ్యత గురించి ప్రత్యేకంగా చెప్పనవసరం లేదు. తరతరాలుగా ఇది కేవలం ఆభరణంగానే కాకుండా, సురక్షితమైన పెట్టుబడిగా, ఆపదకాలంలో ఆదుకునే ఆస్తిగా భావిస్తూ వస్తున్నాం. అందుకే దీనిని "పసిడి" అని ప్రేమగా పిలుచుకుంటాం. అలాంటి బంగారం, సాధారణంగా స్థిరమైన పెట్టుబడిగా పేరుగాంచినప్పటికీ, ఈ ఏప్రిల్ నెలలో తీవ్రమైన ఒడిదుడుకులకు లోనవుతోంది. ధరలు అమాంతం ఆకాశాన్నంటడం, ఆ వెంటనే అనూహ్యంగా పడిపోవడం వంటి పరిణామాలు పెట్టుబడిదారులను, బంగారం కొనాలనుకునే సామాన్యులను తీవ్ర ఆందోళనకు గురిచేస్తున్నాయి.

అంతర్జాతీయ పరిణామాల ప్రభావం:
ఈ ధరల హెచ్చుతగ్గుల వెనుక పలు అంతర్జాతీయ పరిణామాలున్నాయి. అమెరికా అధ్యక్షుడు డొనాల్డ్ ట్రంప్, ఫెడరల్ రిజర్వ్ ఛైర్మన్ జెరోమ్ పావెల్‌ను పదవిలో కొనసాగిస్తానని ప్రకటించడం, అలాగే ప్రపంచ వాణిజ్యాన్ని కుదిపేసిన అమెరికా-చైనా మధ్య వాణిజ్య ఉద్రిక్తతలు కాస్త చల్లబడటం వంటి అంశాలు బంగారం మార్కెట్‌పై ప్రభావం చూపుతున్నాయి.

సాధారణంగా అంతర్జాతీయ అనిశ్చితి నెలకొన్నప్పుడు పెట్టుబడిదారులు సురక్షితమైనదిగా భావించే బంగారం వైపు మొగ్గు చూపుతారు, దానితో డిమాండ్ పెరిగి ధరలు పెరుగుతాయి. ఇప్పుడు ఉద్రిక్తతలు తగ్గుముఖం పట్టడంతో, పెట్టుబడిదారులు ఇతర మార్గాల వైపు చూసే అవకాశం ఉంది, ఇది బంగారం ధరలపై కొంత ఒత్తిడిని కలిగిస్తోంది. అయితే, ఫెడరల్ రిజర్వ్ నిర్ణయాలు, డాలర్ విలువ, ప్రపంచ ఆర్థిక స్థితిగతులు వంటి అనేక ఇతర అంశాలు కూడా బంగారం ధరలను ప్రభావితం చేస్తాయి. అందువల్ల, మార్కెట్ ఇంకా అనిశ్చితంగానే కొనసాగుతోంది.

దేశ రాజధాని ఢిల్లీలో నేటి పసిడి ధరలు:
ఢిల్లీలో ఈ రోజు బంగారం ధరల్లో స్వల్ప మార్పులు కనిపిస్తున్నాయి. 22 క్యారెట్ల బంగారం గ్రాము ధర రూ.9,020గా నమోదైంది. గత 10 రోజులుగా సగటు ధర దాదాపు రూ. 9,004.90గా ఉంది. అదే 24 క్యారెట్ల బంగారం గ్రాము ధర రూ.9,834గా పలుకుతోంది. గత 10 రోజులుగా సగటు ధర దాదాపు రూ. 9,821.40గా ఉంది.

ముంబైలో నేటి బంగారు ధరలు:
దేశ ఆర్థిక రాజధాని ముంబైలో ఈ రోజు బంగారం ధరలు చూస్తే 22 క్యారెట్ల బంగారం గ్రాము ధర రూ.9,005గా ఉంది. గత 10 రోజుల సగటు ధర రూ. 8,369.10గా ఉంది. అదే 24 క్యారెట్ల పసిడి గ్రాము ధర రూ. 9,824గా ఉంది. గత 10 రోజుల సగటు ధర రూ.9,130.20గా ఉంది.

హైదరాబాద్‌, బెంగళూరులో నేటి ధరలు:
ముంబైతో పోలిస్తే బెంగళూరు , హైదరాబాద్‌లలో దాదాపుగా అవే ధరలు కొనసాగుతున్నాయి. బెంగళూరులో 22 క్యారెట్లు రూ.9,005, 24 క్యారెట్లు రూ.9,824 . ఇది 10 రోజుల సగటు రూ.9,130.20. హైదరాబాద్‌లో 24 క్యారెట్లు ₹9,824 ఉంది.

చెన్నైలో నేటి బంగారు ధరలు:
దక్షిణ భారతదేశంలోని ముఖ్య నగరమైన చెన్నైలో ఈ రోజు ధరలు కాస్త భిన్నంగా ఉన్నాయి. 22 క్యారెట్ల గోల్డ్ గ్రాము ధర రూ. 9,005. 24 క్యారెట్ల పసిడి గ్రాము ధర రూ.9,824 . అహ్మదాబాద్ రూ. 22 క్యారెట్ల గోల్డ్. రూ.9,010, ఉండగా అదే 24 క్యారెట్ బంగారం గ్రాముకు రూ. 9,829 ఉంది. కోల్‌కతా 22 క్యారెట్ పసిడి రూ.9,005, 24 గోల్డ్ రూ. 9,824 ఉంది. పూణే 22 క్యారెట్ గోల్డ్ రూ.9,005 ఉండగా అదే 24 క్యారెట్ పసిడి రూ. 9,824 ఉంది. సూరత్‌లో 22 క్యారెట్ గోల్డ్ రూ.9,010, 24 క్యారెట్ బంగారం గ్రాముకు ధర రూ.9,829 ఉంది.4

ప్రస్తుత బంగారం ధరల అనిశ్చితి కొనసాగే అవకాశం ఉంది. పెట్టుబడిదారులు, కొనుగోలుదారులు మార్కెట్ సరళిని జాగ్రత్తగా గమనిస్తూ, ఆచితూచి నిర్ణయాలు తీసుకోవడం మంచిది. అంతర్జాతీయ పరిణామాలు, డాలర్ విలువ, దేశీయంగా డిమాండ్ వంటి అంశాలు రాబోయే రోజుల్లో బంగారం ధరలను మరింత ప్రభావితం చేయవచ్చు. పసిడి ప్రియులు, పెట్టుబడిదారులు ఈ హెచ్చుతగ్గులను నిశితంగా పరిశీలించాల్సిన సమయం ఇది.

English summary

Compared to Mumbai, prices in Bengaluru and Hyderabad are almost the same. In Bengaluru, 22 carats are priced at Rs. 9,005 and 24 carats at Rs. 9,824. This is the 10-day average of Rs. 9,130.20. In Hyderabad, 24 carats are priced at ₹9,824.