బంగారం, వెండి కొనేవారికి అలర్ట్: డేంజర్ బెల్స్ మోగుతున్నాయా?

బులియన్ మార్కెట్‌లో బంగారం ధరలు మళ్లీ పైపైకి కదులుతున్నాయి. జూలై 23 (గురువారం) నాడు పసిడి రేట్లు మళ్లీ పుంజుకోవడంతో పసిడి ప్రియులు, కొనుగోలుదారులు మార్కెట్ వైపు ఆసక్తిగా చూస్తున్నారు. గడిచిన కొద్దిరోజులుగా స్వల్పంగా హెచ్చుతగ్గులకు లోనవుతున్న ధరలు ఒక్కసారిగా ఊపందుకోవడంతో దేశవ్యాప్తంగా ప్రధాన నగరాల్లో పసిడి రేట్లు పెరిగాయి.

గ్రాముపై ఎంత పెరిగిందంటే..

దేశంలో గురువారం నమోదైన ధరలను పరిశీలిస్తే, ప్రతి గ్రాము బంగారంపై స్పష్టమైన పెరుగుదల కనిపించింది. 24 క్యారెట్ల మేలిమి బంగారం గ్రాముపై రూ.77 పెరిగి రూ.14,728 వద్ద ట్రేడ్ అవుతోంది.

అలాగే ఆభరణాల తయారీకి వాడే 22 క్యారెట్ల బంగారం గ్రాముపై రూ.70 పెరిగి రూ.13,500కి చేరగా, 18 క్యారెట్ల బంగారం గ్రాముపై రూ.58 పెరిగి రూ.11,046 వద్ద ప‌లుకుతోంది.

ఇవే కాకుండా భారీగా కొనుగోలు చేసే వారి కోసం 100 గ్రాముల లెక్కన చూస్తే, 24 క్యారెట్లపై రూ.7,700 పెరిగి రూ.14,72,800గానూ, 22 క్యారెట్లపై రూ.7,000 పెరిగి రూ.13,50,000గానూ, 18 క్యారెట్లపై రూ.5,800 పెరిగి రూ.11,04,600 వద్దకు చేరాయి.

తెలుగు రాష్ట్రాల్లో తులం బంగారం ధర

హైదరాబాద్, విజయవాడ, విశాఖపట్నం నగరాల్లో పసిడి ధరలు ఒకే రీతిలో పయనించాయి. 10 గ్రాముల (తులం) 24 క్యారెట్ల బంగారం రూ.770 మేర పెరిగి రూ.1,47,280కి చేరింది. అదేవిధంగా 22 క్యారెట్ల బంగారం 10 గ్రాములకు రూ.700 ఎగబాకి రూ.1,35,000 పలుకుతోంది. ఇక 18 క్యారెట్ల బంగారం తులం ధర రూ.580 పెరిగి రూ.1,10,460 వద్ద నమోదైంది.

మెట్రో నగరాల్లో తులం (10 గ్రాములు) రేట్లు

దేశంలోని ప్రధాన మెట్రో నగరాల్లోనూ ముంబై, బెంగళూరు, కోల్‌కతా ప్రాంతాల్లో తెలుగు రాష్ట్రాల తరహాలోనే 24 క్యారెట్ల 10 గ్రాముల ధర రూ.1,47,280 కాగా, 22 క్యారెట్లు రూ.1,35,000 , 18 క్యారెట్లు రూ.1,10,460 వద్ద స్థిరపడ్డాయి. అయితే కొన్ని ఇతర ప్రధాన నగరాల్లో స్థానిక పన్నులు, విపణి పరిస్థితుల వల్ల స్వల్ప వ్యత్యాసాలు కనిపించాయి:

• ఢిల్లీ: 24 క్యారెట్లు రూ.1,47,420 | 22 క్యారెట్లు రూ.1,35,150 | 18 క్యారెట్లు రూ.1,10,610
• అహ్మదాబాద్: 24 క్యారెట్లు రూ.1,47,320 | 22 క్యారెట్లు రూ.1,35,050 | 18 క్యారెట్లు రూ.1,10,510
• చెన్నై: 24 క్యారెట్లు రూ.1,46,520 | 22 క్యారెట్లు రూ.1,34,310 | 18 క్యారెట్లు రూ.1,12,460

స్థిరంగా వెండి వెలుగులు

బంగారంతో పోటీగా వెండి కూడా మార్కెట్‌లో స్థిరమైన గిరాకీని ప్రదర్శిస్తోంది. ప్రస్తుతం బులియన్ మార్కెట్‌లో కేజీ వెండి ధర రూ.2,45,100 వద్ద లభ్యమవుతోంది. స్థానిక జ్యువెలరీ షాపులు, ప్రాంతీయ పన్నులు , తరుగు-మజూరీల ఆధారంగా ఆయా నగరాల్లో చార్జీలలో స్వల్ప మార్పులు ఉంటాయని వర్తక వర్గాలు వెల్లడించాయి.

English summary

Gold prices increased today across India. 24K gold rose to Rs 1,47,280 per 10 grams while silver stands at Rs 2.45 lakh per kg. Check city-wise gold rates here.