CM Revanth Reddy: నోటీసులపై స్పందించిన రేవంత్ రెడ్డి సోదరుడు..!
రెవెన్యూ అధికారులు నోటీసులు జారీ చేయడంపై సీఎం రేవంత్ రెడ్డి సోదరుడు తిరుపతి రెడ్డి స్పందించారు. మాదాపూర్ అమర్ సొసైటీలో తనకున్న ఆస్తిపై సెర్లింగంపల్లి రెవెన్యూ అధికారులు నోటీసులు జారీ చేయడంపై ఆయన వివరణ ఇచ్చారు. కొనుగోలు సమయంలో దుర్గం చెరువు ఫుల్ ట్యాంక్ లెవల్ (ఎఫ్టీఎల్)లో భూమి వర్గీకరించరని తనకు తెలియదని పేర్కొన్నారు. తాను 2015లో నివాసం కొనుగోలు చేశానని తిరుపతి రెడ్డి వెల్లడించారు.
తన భవనం ఎఫ్టిఎల్లో ఉందని ప్రభుత్వం నిర్ధారిస్తే ఎలాంటి చర్యలైనా తీసుకొవచ్చని తిరుపతి స్పష్టం చేశారు. ఎలాంటి చర్యలు తీసుకున్నా తనకు అభ్యంతరం లేదన్నారు. ఆ భూమి కోటేశ్వరరావు పేరు మీద రిజిస్టర్ ఉందన్నారు. తెలంగాణ ముఖ్యమంత్రి రేవంత్ రెడ్డి సోదరుడు తిరుపతిరెడ్డి నివాసం, కార్యాలయంతో పాటు దుర్గం చెరువు సమీపంలోని పలు ప్రముఖ నిర్మాణాలను కూల్చివేయాలని రెవెన్యూ అధికారులు నోటీసులు జారీ చేసిన సంగతి తెలిసిందే.
మాదాపూర్ అమర్ కోఆపరేటివ్ సొసైటీ పరిధిలోని ఆస్తులపై అతికించిన నోటీసుల్లో ఈ నిర్మాణాలు సరస్సు అభివృద్ధి చెందని జోన్ పరిధిలోకి వస్తాయని, వాటిని 30 రోజుల్లోగా తొలగించాలని పేర్కొన్నారు. రంగారెడ్డి జిల్లా కలెక్టర్, శేరిలింగంపల్లి డిప్యూటీ కలెక్టర్ నేతృత్వంలోని రెవెన్యూ అధికారులు సరస్సు పక్కనే ఉన్న నెక్టార్స్ కాలనీ, డాక్టర్స్ కాలనీ, కావూరి హిల్స్, అమర్ సొసైటీ వాసులకు కూడా నోటీసులు జారీ చేశారు.
వాల్టా చట్టంలోని సెక్షన్ 23(1) కింద జారీ చేసిన ఈ నోటీసులు, అనుమతించదగిన పరిమితులకు మించి ఆక్రమణకు గురైన నిర్మాణాలను నిర్ణీత గడువులోగా స్వచ్ఛందంగా కూల్చివేయాలని ఆదేశించింది. పాటించకుంటే అధికారులే స్వయంగా కూల్చివేస్తామని అధికారులు హెచ్చరించారు.
Click it and Unblock the Notifications
Sign in with Google