విభజన సమస్యలపై జగన్ , కేసీఆర్ ల భేటీ ... శ్రీశైలంకి గోదావరి నీటి తరలింపుపై కీలక చర్చ
Recommended Video
ప్రగతి భవన్లో తెలుగు రాష్ట్రాల ముఖ్యమంత్రుల భేటీ జరిగింది. 2019, జూన్ 28వ తేదీన ప్రగతి భవన్లో జరిగిన భేటీలో సుమారు ఐదు గంటల పాటు జరిగిన కీలక భేటీలో పలు అంశాలపై చర్చించారు. ఇరు రాష్ట్రాల మధ్య విభజన సమస్యలతో పాటు నదీజలాల వివాదంపై కేసీఆర్, జగన్ మధ్య కీలక చర్చ జరిగింది. విభజన సమస్యలకు చర్చల ద్వారానే పరిష్కారం చూపాలని ,అందుబాటులో ఉన్న నీటి వనరులను సంపూర్ణంగా వినియోగించుకుని తెలుగు రాష్ట్రాలు పచ్చగా కళకళలాడటమే లక్ష్యమని స్పష్టం చేశారు ఇరు రాష్ట్రాల ముఖ్యమంత్రులు .సీఎం కేసీఆర్..కృష్ణా, గోదావరిలో నీటి లభ్యతపై పవర్పాయింట్ ప్రజెంటేషన్ ఇచ్చారు. కృష్ణా నదిలో నీటి లభ్యత తక్కువ ఉన్నందున గోదావరి నీటిని తరలించాలని నిర్ణయించారు. ఇందుకోసం గోదావరి నీటిని శ్రీశైలానికి తరలించాలని నిర్ణయించిన సీఎంలు దీనికి సంబంధించిన ప్రణాళికలు సిద్ధం చేయాలని అధికారుల్ని ఆదేశించారు.
నీటి పంపకాలే అజెండాగా జగన్ , కేసీఆర్ ల భేటీ
నీటిపంపకాలే అజెండాగా జగన్, కేసీఆర్ ల సమావేశం జరిగింది. గోదావరి నది నీటిని కృష్ణానదికి మళ్లించాలని, రెండు రాష్ట్రాలలో ప్రతి మారుమూల ప్రాంతాల్లోనూ నీరు చేరేలా చూడాలని తెలంగాణ ముఖ్యమంత్రి కేసీఆర్ పేర్కొన్నారు. సమావేశంలో, వారు కలిసి పనిచేస్తారని మరియు నీటి వనరులను సమర్థవంతంగా ఉపయోగించుకుంటామని వారు హామీ ఇచ్చారు. రెండు రాష్ట్రాల్లో వ్యవసాయం, పరిశ్రమలు మరియు తాగునీటి అవసరాలకు నీటి కొరత రాకుండా చూసుకోవడమే తమ లక్ష్యమని వారు చెప్పారు. తెలంగాణ ముఖ్యమంత్రి కార్యాలయం నుండి వచ్చిన ఒక ప్రకటన ప్రకారం, నీటి కొరత తెలంగాణలోని పాలమురు మరియు యునైటెడ్ నల్గొండ జిల్లాల్లోనూ , ఇక ఏపీలోని రాయలసీమ ప్రాంతానికి ఇబ్బందులు ఉన్నాయని పేర్కొన్నారు . ఈ ప్రాంతాలు దశాబ్దాలుగా ఎదుర్కొంటున్న కష్టాలను తగ్గించడానికి, గోదావరి నీటిని శ్రీశైలం జలాశయానికి మళ్లించాలని నిర్ణయించారు. ఇక మళ్లింపుకు ప్రతిపాదనలు , ప్లాన్ సిద్ధం చేయాలని వారు సంబంధిత అధికారులను ఆదేశించారు.
భవిష్యత్ తరాల కోసం జల వివాదాలు సామరస్యంగా పరిష్కరించుకుందామన్న జగన్ , కేసీఆర్
ఎపి ఎన్నికల తరువాత, రెండు రాష్ట్రాల మధ్య సంబంధాలలో మంచి గుణాత్మక మార్పు ఉందని కేసీఆర్ అన్నారు. "ఈగోలు లేవు, జల వివాదాలు లేవు, భయాలు లేవు, మనం వివాదాలతో కొట్టుకుంటుంటే మన తరువాతి తరాలకు నీరు ఇవ్వలేము అని వారు అభిప్రాయపడ్డారు . వారికి మంచి చేయటం మన బాధ్యత అని ఇరు రాష్ట్రాల సీఎంలు అభిప్రాయపడ్డారు. కృష్ణ నదిలో నీటి లభ్యత తగ్గుతోంది. ఇది రాబోయే సంవత్సరాల్లో మరింత తగ్గుతుందని అందువల్ల గోదావరి నది నుండి నీటిని మళ్ళించాలని ఏపిలోని రాయలసీమ ప్రాంతంలో, తెలంగాణ రాష్ట్రంలోని పాలమూరు నల్గొండ ప్రాంతాలలో నీటి సమస్యలను తగ్గించడానికి ప్రభుత్వాలు గట్టిగా సంకల్పించాయి. గోదావరి నుండి నీటిని ఎలా మళ్లించాలనే దానిపై సంబంధిత అధికారులు అధ్యయనం చేసి ప్రభుత్వానికి నివేదిక సమర్పించాలి అని జగన్ సూచించారు .
5 కీలక అంశాలపై చర్చలు .. శ్రీశైలంకి గోదావరి నీటి తరలింపుపై అధ్యయనం చేసి నివేదికలివ్వాలన్న జగన్
కృష్ణ మరియు గోదావరి నుండి విడుదలయ్యే 4,000 టిఎంసి నీటిలో, ప్రతి సంవత్సరం సుమారు 3,000 టిఎంసి సముద్రంలోకి వ్యర్ధంగా పోతున్నాయి . రెండు రాష్ట్రాలు ఈ నీటిని ఉపయోగించుకోవాలని యోచిస్తున్నాయి . తద్వారా రెండు రాష్ట్రాలను మార్చడానికి మరియు పంట భూములను సారవంతం చేయడానికి సహాయపడతాయని భావిస్తున్నాయి. ఇక ప్రధానంగా శ్రీశైలంకి గోదావరి నీటి తరలింపుపై అధ్యయనం చేసి నివేదికలివ్వాలని జగన్ ఆదేశించారు. నీళ్లు, విభజన సమస్యల పరిష్కారం కోసం కేసీఆర్, జగన్ ఇప్పటి వరకు ఆరుసార్లు భేటీ అయ్యారు. 5 కీలక అంశాలపై సీఎంలు కేసీఆర్, జగన్లు చర్చలు జరిపారు. విద్యుత్ సంస్థల విభజన, 9,10వ షెడ్యూలు సంస్థల విభజన, ఉద్యోగుల బదిలీలు అంశాలపై చర్చించారు. ఇక ఏపీ భవన్ విభజన అంశం కూడా చర్చకు వచ్చింది. ప్రధానంగా వృధాగా పోతున్న 3వేల టీఎంసీల నీటిని ఎలా వాడుకోవాలనే దానిపైనే చర్చించారు. నదుల అనుసంధానంపై కేంద్రం ఆలోచన చేస్తున్నందున ముందు రెండు రాష్ట్రాలు మాట్లాడుకుని, ఒక నిర్ణయానికి వచ్చి, రాష్ట్రాల నీటి అవసరాలు తీరాక అప్పుడు కేంద్ర ప్రతిపాదనలపై ఆలోచించాలని ఈ సమావేశంలో చర్చించారు.
Click it and Unblock the Notifications
Sign in with Google