Hyderabad: బెంగళూరు వెళ్లిన విమానం.. తిరిగి హైదరాబాద్ కే వచ్చింది..!

ఈ మధ్య విమానాలకు బాంబు బెదిరింపులు పెరిగిపోతున్నాయి. దీంతో విమాన ప్రయాణికులు చాలా ఇబ్బంది పడాల్సి వస్తుంది. దీనిపై కేంద్ర సీరియస్ గా ఉంది. ఇలాంటి చర్యలకు పాల్పడే వారిపై కఠిన చర్యలు తీసుకుంటామని హెచ్చరించింది. తాజాగా హైదరాబాద్ నుంచి బెంగళూరు వెళ్లిన ఓ విమానం తిరిగి హైదరాబాద్ కు చేరుకుంది.
బెంగళూరులోని కెంపేగౌడ అంతర్జాతీయ విమానాశ్రయంలో దట్టమైన పొగమంచు కమ్ముకోవడంతో హైదరాబాద్ విమానాశ్రయం నుంచి బయలుదేరిన ఇండిగో విమానం బెంగళూరులో ల్యాండింగ్ చేయకుండానే తిరిగి వెనక్కు వచ్చింది.

హైదరాబాద్ విమానాశ్రయం నుంచి ఉదయం 7:20 గంటలకు బయలుదేరిన ఇండిగో విమానం బెంగళూరుకు చేరుకుంది. అక్కడ ఎయిర్ పోర్ట్ లో విమానం ల్యాండ్ చేయడానికి పైలట్ ప్రయత్నించాడు. కానీ రన్ వే సరిగా కనిపించలేదు. అప్పటికీ విమానాన్ని ల్యాండ్ చేయడానికి ప్రయత్నం చేశాడు. విమానం సురక్షితంగా ల్యాండ్ అయ్యే ప్రయత్నంలో కెంపెగౌడ అంతర్జాతీయ విమానాశ్రయంపై 45 నిమిషాలకు పైగా విమానం చక్కర్లు కొట్టింది. అయినప్పటికీ పరిస్థితులు మెరుగుపడలేదు. దీంతో విమానయాన సంస్థ భద్రతకు ప్రాధాన్యతనిస్తూ ప్రయాణికులందరితో హైదరాబాద్‌కు తిరిగి వెళ్లాలని నిర్ణయించింది.

ప్రయాణికులకు పరిస్థితిని వివరించి తిరిగి శంషాబాద్ చేరుకుంది. బెంగళూరులోని కెంపెగౌడ అంతర్జాతీయ విమానాశ్రయం వంటి ప్రధాన విమానాశ్రయాల్లో పొగమంచు దృశ్యమానతను గణనీయంగా ప్రభావితం చేస్తుందని చెబుతున్నారు. హైదరాబాద్ లో కూడా పొగ మంచి ఏర్పాడే అవకాశం ఉందని వాతావరణ శాఖ చెప్పింది. ఈ నేపథ్యంలో విమానాల రాకపోకలకు అంతరాయం కలిగే అవకాశం ఉంది. ఉత్తరాది రాష్ట్రాల్లో కూడా పొగ మంచు ప్రభావం ఎక్కువగా ఉంటుంది. ముఖ్యంగా ఢిల్లీలో వాలు కాలుష్యంతో దట్టమైన పొగమంచు ఏర్పడే అవకాశం ఉందని చెబుతున్నారు.

గత నెలలో ఎయిర్ ఇండియా విమానం హైడ్రాలిక్ సిస్టమ్ వైఫల్యంతో ఆందోళన నెలకొంది. విమానం టేకాఫ్ అయిన కొద్ది సేపటికే పైలట్ వైఫల్యాన్ని గుర్తించి ల్యాండింగ్ ప్రయత్నించాడు. గాల్లోనే చాలా సేపు చక్కర్లు కొట్టిన విమానాన్ని చివరికి జాగ్రత్తగా ల్యాండ్ చేయడంతో అందరూ ఊపిరి పీల్చుకున్నారు.

English summary

The flight from Hyderabad to Bengaluru returned to Hyderabad due to bad weather. Due to this, the passengers were in trouble.