లోయలో పడ్డ బస్సు: 15 మంది మృత్యువాత

అల్మోరా: ఉత్తరాఖండ్ పర్యాటక ప్రాంతం అల్మోరా పర్వత శ్రేణుల్లో శనివారం మధ్యాహ్నం ఘోర రోడ్డు ప్రమాదం జరిగింది. సుమారు 50 మంది ప్రయాణికులతో న్యూఢిల్లీ నుంచి ఫితోరాగఢ్‌కు వెళుతోన్న ఓ బస్సు లోయలోకి పడింది.

ఈ దుర్ఘటనలో 15 మంది అక్కడికక్కడే దుర్మరణం చెందారు. మరో 22 మంది తీవ్రంగా గాయపడ్డారు. సమాచారం అందుకున్న పోలీసులు వెంటనే సంఘటనా స్ధలానికి చేరుకున్నారు. క్షతగాత్రులను సమీపంలోని ఆసుపత్రికి తరలించారు.

UPDATE:14 killed & 22 injured after bus (Delhi to Pithoragarh )fell into a gorge at Vill Thyadi in Dania, Almora(UK) pic.twitter.com/oFSjmS8JjV

— ANI (@ANI_news) June 20, 2015

చికిత్స పొందుతున్న వారిలో మరికొంత మంది పరిస్ధితి విషమంగా ఉన్నట్లు తెలుస్తోంది. డ్రైవర్ మితి మీరిన వేగమే ఈ ప్రమాదానికి కారణమని పోలీసుల ప్రాథమిక దర్యాప్తులో తేలింది. ఈ ప్రమాదానికి సంబంధించి మరిన్ని వివరాలు తెలియాల్సి ఉంది.

English summary

At least 15 people have died and 14 others are injured after a bus plunged 500 metres into a gorge in Uttarakhand's Almora.