జీపును పేల్చిన మావోలు: 6గురు మృతి

పాట్నా: బీహార్ రాష్ట్రంలో మావోయిస్టులు మరోసారి రెచ్చిపోయారు. ఔరంగాబాద్‌లో పోలీసులు ప్రయాణిస్తున్న జీపును మంగళవారం సాయంత్రం మందురపాతరతో పేల్చి వేశారు. ఈ ఘటనలో ఆరుగురు పోలీసులు మృతి చెందారు.

మావోయిస్టులు అమర్చిన మందుపాతరను పేల్చడంతో పోలీసులు ప్రయాణిస్తున్న జీపు తునాతునకలు అయినట్లు సమాచారం. పోలీసులు నబినగర్ నుంచి తాండ్వా వెళుతున్న సమయంలో ఈ ఘటన చోటుచేసుకున్నట్లు తెలిసింది. ఇందుకు సంబంధించిన పూర్తి సమాచారం ఇంకా తెలియరాలేదు.

కాగా ఇటీవల కాలంలో బీహార్ రాష్ట్రంలో మావోయిస్టులు దాడులు పెరిగిపోయాయి. నవంబర్ 30న జిఆర్‌పి జవాన్లు ప్రయాణిస్తున్న ప్యాసింజర్ రైలుపై మావోయిస్టులు కాల్పులు జరిపారు. బీహార్ రాష్ట్రంలోని ముంగర్ జిల్లాలో జరిగిన ఈ ఘటనలో ముగ్గురు జవాన్లు మరణించారు.

English summary

Six people were killed in a landmine blast in Aurangabad, Bihar. The maoist attack targeted the police jeep resulting in the death of six Policemen.