72 శాతం మంత్రులపై క్రిమినల్ కేసులు.. తీవ్రమైన కేసులు: ఏడీఆర్ రిపోర్ట్

బీహర్‌లో కొత్త మంత్రివర్గం కొలువుదీరిన సంగతి తెలిసిందే. అయితే నిన్న జేడీయూకు చెందిన ఐదుగురు ఎమ్మెల్యేలు అసంతృప్తి వ్యక్తం చేసిన సంగతి తెలిసిందే. ఆర్జేడీ, జేడీయూ నేతృత్వంలో కొలువుదీరిన మంత్రివర్గంలో క్రిమినల్ కేసులు ఎక్కువ ఉన్న మంత్రులు ఉన్నారు. ఈ విషయాన్ని అసోసియేషన్ ఫర్ డెమోక్రటిక్ రిఫార్మ్స్‌ తెలిపింది.

72 శాతం మందిపై కేసులు

32 మంది మంత్రులుగా ప్రమాణ స్వీకారం చేయగా.. అందులో 27 మంది (72శాతం) క్రిమినల్ కేసులను ఎదుర్కొంటున్నారు. 17 మంది మంత్రులు (53 శాతం) అత్యంత తీవ్రమైన క్రిమినల్ కేసులను ఎదుర్కొంటున్నారు. ఆర్జేడీకి చెందిన 15 మంది మంత్రులు (88 శాతం) క్రిమినల్ కేసులు ఎదుర్కొంటున్నారని ఏడీఆర్ పేర్కొంది. 11 మంది (65) అత్యంత తీవ్రమైన క్రిమినల్ కేసులను ఎదుర్కొంటున్నారు. ఆర్జేడీతో పోల్చుకుంటే జేడీయూకి చెందిన మంత్రులు కాస్త మెరుగ్గా ఉన్నారని రిపోర్ట్ తెలిపింది. జేడీయూ నుంచి మొత్తం 11 మంది మంత్రులు ఉండగా.. నలుగురు మాత్రమే క్రిమినల్ కేసులు ఉన్నాయి. కాంగ్రెస్ పార్టీ నుంచి ఉన్న ఇద్దరు మంత్రులు క్రిమినల్ కేసుల్లో ఉన్నారని తెలిసింది.

వారెంట్ జారీ

2014లో కిడ్నాప్ కేసులో మంత్రి కార్తికేయపై బుధవారం అరెస్ట్ వారెంట్ జారీ అయిన సంగతి తెలిసిందే. కేసులో మొత్తం 16కి భాగస్వామ్యం ఉందని ఎఫ్ఐఆర్‌లో రాశారు. మంత్రి కార్తికేయ, ఎమ్మెల్యే అనంత్ సింగ్ పేర్లను నిందితుల జాబితాలో చేర్చారు. ఈ కేసులో ఆగస్టు 16నే దనపూర్ కోర్టులో హాజరు కావాలని ఆదేశాలు ఉన్నప్పటికీ.. అదే రోజు మంత్రిగా ప్రమాణ స్వీకారం ఉండడం వల్ల హాజరు కాలేదు. దీంతో కోర్టు ఆయనపై అరెస్ట్ వారెంట్ జారీ చేసింది.

డుమ్మా

మంత్రివర్గ ప్రమాణ స్వీకారానికి డాక్టర్ సంజీవ్ కుమార్, పంకజ్ కుమార్ మిశ్రా, సుదర్శన్ కుమార్, రాజ్కుమార్ సింగ్, షాలిని మిశ్రా మాత్రం ప్రమాణ స్వీకారానికి రాలేదు. వీరంతా మంత్రివర్గంలో చోటు దక్కలేదనే అసంతృప్తితో ఉన్నారని తెలిసింది. ఆర్జేడీతో చేతులు కలపడం కూడా వీరికి నచ్చలేదని సమాచారం. జేడీయూలో అసమ్మతి పెరిగితే వారంతా బీజేపీ వైపే వెళ్తారనే ప్రచారం కూడా జరుగుతుంది.

English summary

70 per cent of the newly sworn-in ministers in Bihar have declared criminal cases against them, according to a report by the poll rights body, Association for Democratic Reforms