అఫిడవిట్లో 43.46 కోట్ల ఆస్తులు దాచేసిన మహారాష్ట్ర మంత్రికి రెండేళ్ల జైలు శిక్ష
న్యూఢిల్లీ: 2014లో తన ఎన్నికల అఫిడవిట్లో సమాచారాన్ని దాచినందుకు రాష్ట్ర మంత్రి బచ్చు కడుకు మహారాష్ట్ర కోర్టు శుక్రవారం రెండు నెలల జైలు శిక్ష విధించింది.
ప్రహార్ జనశక్తి పార్టీకి చెందిన మంత్రి బచ్చు , ఈ ఉత్తర్వు తర్వాత బెయిల్ పొందారని పిటిఐ నివేదించింది. ప్రజాప్రాతినిధ్య చట్టాన్ని ఉల్లంఘించినందుకు పాఠశాల విద్యాశాఖ మంత్రి బచ్చు కడును దోషిగా సివిల్ జడ్జి ఎల్సి వాడేకర్ నిర్ధారించారు. జైలు శిక్షతో పాటు రూ.25,000 జరిమానా విధించింది కోర్టు.
అతను అప్పీల్ దాఖలు చేయడానికి వీలుగా కోర్టు శిక్షను 30 రోజుల పాటు నిలిపివేసింది. కడుపై బీజేపీ నేత గోపాల్ తిరమరే ఫిర్యాదు చేశారు. 2014 అసెంబ్లీ ఎన్నికలకు అఫిడవిట్ దాఖలు చేస్తున్నప్పుడు ముంబైలోని రూ.43.46 లక్షల విలువైన తన ఫ్లాట్కు సంబంధించిన సమాచారాన్ని కడు దాచిపెట్టాడని గోపాల్ తిరమరే చెప్పారు.
కడూ ఆ వాదనలను తోసిపుచ్చారు. రుణం తిరిగి చెల్లించలేని కారణంగా ఆస్తిని విక్రయించినట్లు కోర్టులో తెలిపారు. శుక్రవారం ఆయన మీడియాతో తో మాట్లాడుతూ.. తీర్పుపై అప్పీలు చేస్తామన్నారు. 2014లో శాసనసభ్యుల హౌసింగ్ సొసైటీని ఏర్పాటు చేశామని, రుణాలకు రాష్ట్ర ప్రభుత్వమే గ్యారంటీగా నిలుస్తోందని చెప్పారు.
"నేను అఫిడవిట్లో రుణ మొత్తాన్ని పేర్కొన్నాను కాని ఇంటి వివరాలను కాదు. అది తప్పు అయినప్పటికీ నేను కోర్టు ఆదేశాలను గౌరవిస్తున్నాను" అని మంత్రి అన్నారు. రాజకీయ పగతో తన ప్రత్యర్థులు తనపై కేసు పెట్టారని కడు పేర్కొన్నారు.
Click it and Unblock the Notifications
Sign in with Google