• search
  • Live TV
వేగవంతమైన అలర్ట్స్ కోసం
నోటిఫికేషన్స్ పై క్లిక్ చేయండి  
For Daily Alerts
Oneindia App Download

కశ్మీర్ లో హిందువులపై ఆగని దాడులు-బ్యాంక్ మేనేజర్ కాల్చివేత-72 గంటల్లో రెండో హత్య

|
Google Oneindia TeluguNews

జమ్మూ కాశ్మీర్‌లోని కుల్గామ్‌లో మూడు రోజుల్లో హిందువులపై జరిగిన రెండవ లక్షిత దాడిలో రాజస్థాన్‌కు చెందిన బ్యాంక్ మేనేజర్‌ను ఉగ్రవాది కాల్చిచంపాడు.ఎలాఖాహి దేహతి బ్యాంక్ అరేహ్ బ్రాంచ్‌లోకి ప్రవేశించిన ఓ ఉగ్రవాది బ్యాంక్ మేనేజర్ విజయ్ కుమార్‌పై కాల్పులు జరిపాడు. హంతకుడు బ్రాంచ్‌లోకి ప్రవేశించి కాల్పులు జరిపి పారిపోతున్నట్లు సీసీటీవీ ఫుటేజీలో కనిపించింది. విజయ్ కుమార్‌ను ఆస్పత్రికి తరలిస్తుండగా తుదిశ్వాస విడిచారు.

రాజస్థాన్‌లోని హనుమాన్‌గఢ్ జిల్లా నివాసి అయిన కుమార్ ఇటీవల కుల్గాంలో ఉద్యోగంలో చేరారు. ఆ ప్రాంతాన్ని చుట్టుముట్టామని దాడికి పాల్పడిన ఉగ్రవాదుల ఆచూకీ కోసం ప్రయత్నిస్తున్నామని పోలీసులు తెలిపారు. జమ్మూకి చెందిన రజనీ బాలా అనే హిందూ ఉపాధ్యాయిని కుల్గామ్‌లో పాఠశాల వెలుపల ఉగ్రవాదులు చంపిన రెండు రోజులకే ఈ దాడి జరిగింది. పక్కనే ఉన్న షోపియాన్ జిల్లాలో రెండు పెద్ద ఘటనలు జరిగిన 24 గంటల్లోనే కుల్గామ్‌లో బ్యాంక్ మేనేజర్ హత్య జరిగింది.

bank manager shot in kashmir valley- second targetted attck in 72 hours

ఫరూఖ్ అహ్మద్ షేక్ అనే పౌరుడు నిన్న సాయంత్రం తన ఇంటిలో జరిగిన ఉగ్రదాడిలో గాయపడ్డాడు.మరో సంఘటనలో, ఈ తెల్లవారుజామున వారి వాహనంలో పేలుడు సంభవించి ముగ్గురు సైనికులు గాయపడ్డారు. సైనికుల్లో ఒకరికి తీవ్ర గాయాలయ్యాయి. ఆర్మీ ప్రకారం, ముగ్గురు సైనికులు యాంటీ టెర్రరిస్ట్ ఆపరేషన్ కోసం ఒక ప్రైవేట్ వాహనాన్ని తీసుకున్నారు. తాము లక్ష్యంగా చేసుకున్న ప్రాంతానికి వెళ్తుండగా పేలుడు సంభవించిందని వారు తెలిపారు.

English summary
A bank manager has been shot dead in kashmir valley today.
న్యూస్ అప్ డేట్స్ వెంటనే పొందండి
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X