• search
  • Live TV
వేగవంతమైన అలర్ట్స్ కోసం
వెంటనే సబ్‌స్క్రైబ్ చేసుకోండి  
వేగవంతమైన అలర్ట్స్ కోసం
నోటిఫికేషన్స్ పై క్లిక్ చేయండి  
For Daily Alerts
Oneindia App Download

పంజాబ్ ఐఏఎస్ లకు కేజ్రివాల్ పాఠాలు-సమర్ధించుకున్న భగవంత్ మాన్

|
Google Oneindia TeluguNews

పంజాబ్ లో తాజాగా కొలువుదీరిన ఆప్ ప్రభుత్వాన్ని ఢిల్లీ సీఎం అరవింద్ కేజ్రివాల్ నడిపిస్తున్నారు. తొలిసారి సీఎం పదవి చేపట్టిన భగవంత్ మాన్ కు తగు సూచనలు చేస్తున్నారు. అంతే కాదు ఆయన ప్రభుత్వంలో ఐఏఎస్ అధికారులతో సైతం కేజ్రివాల్ టచ్ లో ఉంటున్నారు. ఇది కాస్తా వివాదాస్పమదవుతోంది.

తాజాగా పంజాబ్ కు చెందిన కొందరు సీనియర్ ఐఏఎస్ అధికారులు ఢిల్లీ సీఎం అరవింద్ కేజ్రివాల్ తో భేటీ అయ్యారు. దీంతో పొరుగు రాష్ట్రానికి చెందిన సీఎంతో తమ రాష్ట్ర ఐఏఎస్ లు భేటీ కావడంపై విపక్షాలు విమర్శలకు దిగుతున్నాయి. దీన్ని సీఎం భగవంత్ మాన్ తేలిగ్గా కొట్టిపారేశారు. కేజ్రివాల్ తో పంజాబ్ ఐఏఎస్ లు భేటీ కావడం వల్ల రాష్ట్రానికి ఎలాంటి నష్టం లేదన్నారు. తానే ఒక కారణం కోసం అధికారులను కేజ్రివాల్ వద్దకు పంపినట్లు మాన్ స్పష్టం చేశారు.

bhagwant mann justified arvind kejriwals suggestions to punjab ias officers

అధికారులను ఢిల్లీకి ఎందుకు పంపారో ప్రజలకు ఏప్రిల్ 16న శుభవార్త వస్తుందని అన్నారు. ఎక్కడైనా నేర్చుకోవలసిన మంచి ఏదైనా ఉంటే, తన అధికారులను అక్కడికి పంపడానికి సిద్ధంగా ఉన్నానని, అది ఆంధ్రప్రదేశ్, గుజరాత్ లేదా తమిళనాడు అంటూ తేల్చిచెప్పేశారు. తన ఆదేశాల మేరకు రాష్ట్ర ప్రభుత్వ సీనియర్ అధికారులు కొద్దిరోజుల క్రితం న్యూఢిల్లీలో శిక్షణ కోసం వెళ్లారని సీఎం మాన్ తెలిపారు. ఈ అంశంపై ప్రతిపక్షాలు హల్ చల్ చేస్తున్నాయని నిందించిన మాన్, అవసరమైనప్పుడు వారి పరిపాలనా నైపుణ్యాలు, నైపుణ్యాన్ని మెరుగుపర్చడానికి తన అధికారులను పంపుతానని చెప్పారు. విద్య, ఆరోగ్యం, విద్యుత్ రంగంలో ఢిల్లీ ప్రభుత్వం చేసిన సంస్కరణలు సాటిలేనివని, వారి నుండి శిక్షణ పొందడం వల్ల ఎటువంటి నష్టం లేదని ఆయన అన్నారు.

పంజాబ్ లో కొలువుదీరిన ఆప్ ప్రభుత్వం ఢిల్లీ తరహాలోనే మంచిపేరు తెచ్చుకునేందుకు తీవ్ర ప్రయత్నాలు చేస్తోంది. ఇందులో భాగంగా ఐఏఎస్ అధికారులతో పంజాబ్ సీఎం భగవంత్ మాన్ .. ఢిల్లీ మోడల్ పై అధ్యయనం చేయిస్తున్నట్లు తెలుస్తోంది. దీనిపై రాద్ధాంతం చేస్తున్న విపక్షాలకు ఏప్రిల్ 16వరకూ ఆగాలని మాన్ సూచిస్తున్నారు.

English summary
punjab cm bhagwant mann has justified his ias officers meeting with delhi cm arvind kejriwal.
న్యూస్ అప్ డేట్స్ వెంటనే పొందండి
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X