Kangana Ranaut: ట్రోలింగ్ పై కంగనా రనౌత్ ఫైర్..

బీజేపీ అభ్యర్థి కంగనా రనౌత్ ఓ ఇంటర్వ్యూలో భారత్ మొదటి ప్రధాని సుభాష్ చంద్రబోస్ అని చెప్పారు. దీంతో ఆమెపై సోషల్ మీడియాలో భారీగా ట్రోలింగ్ చేశారు. కంగనా హిమాచల్ ప్రదేశ్‌లోని మండి నుంచి బీజేపీ లోక్‌సభ అభ్యర్థిగా పోటీ చేస్తున్నారు.
1943 అక్టోబర్ 21న సింగపూర్‌లో ఆజాద్ హింద్ ప్రభుత్వాన్ని నేతాజీ సుభాష్ చంద్రబోస్ ఏర్పాటు చేశారంటూ వచ్చిన వార్తా కథనం స్క్రీన్‌షాట్‌ను షేర్ చేస్తూ, "మీ మీద జోక్ ఉంది" అని ట్వీట్ చేశారు.

సుభాష్ చంద్రబోస్ తనను తాను తొలి ప్రధానిగా ప్రకటించుకున్నారని చెప్పారు. "భరత మొదటి PM గురించి నాకు జ్ఞానాన్ని ఇస్తున్న వారందరూ ఈ స్క్రీన్ షాట్‌ను చదవండి. ఇక్కడ ప్రారంభకులకు కొంత సాధారణ జ్ఞానం ఉంది. కొంత విద్యను అభ్యసించమని నన్ను అడిగే మేధావులందరికీ నేను వ్రాసిన, నటించిన, దర్శకత్వం వహించిన సినిమా అని తెలుసుకోవాలి. ఎమర్జెన్సీ అనేది ప్రధానంగా నెహ్రూ కుటుంబం చుట్టూ తిరుగుతుంది కాబట్టి దయచేసి మనువాదం చేయవద్దు" అని ఆమె ట్వీట్
చేసింది.

అక్టోబరు 21, 1943న, నేతాజీ సుభాష్ చంద్రబోస్ తనను తాను భారతదేశానికి మొదటి ప్రధానమంత్రిగా ప్రకటించుకున్నారని చెప్పారు. దేశాధినేతగా యుద్ధ ప్రకటించుకున్నారని తెలిపారు. రెండో ప్రపంచ యుద్ధం మధ్యలో సింగపూర్‌లో ఆజాద్ హింద్ (ఫ్రీ ఇండియా) ప్రభుత్వాన్ని ఏర్పాటు సుభాష్ చంద్రబోస్ ఈ ప్రకటన చేశారని వివరించారు.

కంగనా పేరు చెప్పకుండా బీఆర్ఎస్ నేతకేటీఆర్ ట్వీట్ చేశారు. "ఉత్తరానికి చెందిన ఒక బీజేపీ అభ్యర్థి సుభాష్ చంద్రబోస్ మా మొదటి ప్రధాని అని చెప్పారు !! దక్షిణాదికి చెందిన మరో బీజేపీ నాయకుడు మహాత్మా గాంధీ మా ప్రధాని అని చెప్పారు !! ఈ వ్యక్తులు అందరూ ఎక్కడ ఉన్నారు " అని ట్వీట్ లో పేర్కొన్నారు. సీపీఐఎం నేత సుభాషిణి అలీ కూడా "నేతాజీ భారత ప్రభుత్వ (sic) తాత్కాలిక ప్రభుత్వానికి కాదు ఆజాద్ హింద్‌కు అధిపతి అని కంగనా రనౌత్ తెలుసుకోవాలి" అని ట్వీట్ చేశారు.

English summary

Kangana Ranaut's trolling on social media continued after she said that Subhash Chandra Bose was the first Prime Minister of the country. She responded to this.