రైలు ప్రయాణికులకు బడ్జెట్‌లో ఏమిచ్చారు?

Budget 2024: సార్వత్రిక ఎన్నికలు సమీపించిన ప్రస్తుత పరిస్థితుల్లో.. కేంద్రంలో అధికారం ఉన్న బీజేపీ-ఎన్డీఏ సంకీర్ణ కూటమి ప్రభుత్వం పార్లమెంట్‌లో బడ్జెట్ ప్రతిపాదనలను ప్రవేశపెట్టింది. బడ్జెట్ ప్రతిపాదనలను కేంద్ర ఆర్థికశాఖ మంత్రి నిర్మల సీతారామన్ సభలో ప్రవేశపెట్టారు. అందులో పొందుపరిచిన అంశాలను చదివి వినిపించారు.

ఈ మధ్యంతర బడ్జెట్ ప్రసంగాన్ని నిర్మల సీతారామన్.. గంటలోపే ముగించారు. బడ్జెట్ ప్రసంగంలో ఎలాంటి మెరుపులూ మెరిపించలేదు. గతం కంటే భిన్నంగా సాగిందామె ప్రసంగం. ఇదివరకట్లా ఎలాంటి సూక్తులనూ వినిపించలేదు. హితబోధనలూ చేయలేదు. చెప్పదలచుకున్నది సూటిగా చెప్పేశారు.

మధ్యంతర, ఓటాన్ అకౌంట్ బడ్జెట్ కావడం వల్లే పెద్దగా భారీ కేటాయింపులు చోటు చేసుకోలేదు. అలాగే పన్నుల వడ్డనలూ లేవు. పన్నుల శ్లాబుల్లోనూ ఎలాంటి మార్పులకూ పూనుకోలేదు కేంద్ర ప్రభుత్వం. ఎన్నికలు ముగిసిన అనంతరం కేంద్రంలో ఏర్పడే కొత్త ప్రభుత్వం మళ్లీ పూర్తిస్థాయి బడ్జెట్‌ను ప్రవేశపెడుతుంది.

40,000 normal railway bogies will be converted to #VandeBharat standards- Hon'ble FM Smt. @nsitharaman #Budget2024#ViksitBharatBudget pic.twitter.com/BKPk8Xy3aJ

— Ministry of Railways (@RailMinIndia) February 1, 2024

ఈ బడ్జెట్‌లో రైలు ప్రయాణికులపైనా పెద్దగా ఎలాంటి వరాలనూ కురిపించలేదు నిర్మల సీతారామన్. రైలు టికెట్ల తగ్గింపు ప్రస్తావనను తీసుకుని రాలేదు. మౌలిక సదుపాయాలపైనా ఆశించిన స్థాయిలో దృష్టి పెట్టలేదు. ఇప్పుడు కొనసాగుతున్న ప్రాజెక్టులను వేగవంతం చేస్తామని భరోసా ఇచ్చారంతే.

3 major economic railway corridor programs will be implemented under PM Gati Shakti - Hon'ble FM Smt. @nsitharaman#Budget2024#ViksitBharatBudget pic.twitter.com/oH9TeBDpTO

— Ministry of Railways (@RailMinIndia) February 1, 2024

అన్ని రైలు బోగీలన్నింటినీ కూడా వందే భారత్ ఎక్స్‌ప్రెస్ తరహాలో తీర్చిదిద్దుతామని చెప్పుకొచ్చారు నిర్మల సీతారామన్. సాధారణ బోగీలన్నీ భవిష్యత్తులో వందే భారత్ తరహాలో సౌకర్యాలను సంతరించుకుంటాయని వెల్లడించారు. దశలవారీగా 40,000 బోగీలను ఆధునికీకరిస్తామని చెప్పారు.

English summary

During the Budget 2024 speech, Union Finance Minister Nirmala Sitharaman said that the Indian Railways will be upgrading the travel experience as a major upgrade of 40,000 regular bogies.