విజయకాంత్ అంతిమయాత్రలో ఏం జరిగిందంటే ?, ఫ్యాన్స్ దెబ్బకు !
డీఎండీ అధ్యక్షుడు విజయకాంత్ అంతిమయాత్ర ప్రారంభం కాగానే భారీగా ట్రాఫిక్ జామ్ అయ్యింది. విజయకాంత్ అంత్యక్రియలు జరిగే ప్రాంతాన్ని సందర్శించేందుకు అనుమతి ఇవ్వాలని డిమాండ్ చేస్తూ ప్రజలు రోడ్డుపై బైఠాయించడంతో పోలీసులు లాఠీచార్జి చేశారు. తమిళ సినిమా రంగం చాలా మంది రాజకీయ నాయకులను తయారు చేసింది.
ఆ విషయంలో విజయకాంత్ కు చాలా ప్రత్యేకత ఉంది. సినిమాల్లో వాడే డైలాగులను విజయకాంత్ పబ్లిక్గా మాట్లాడడమే ఈ స్పెషాలిటీకి కారణం. దీంతో ప్రజల్లో కొత్త విశ్వాసం ఏర్పడింది. ఇలా విజయకాంత్ డీఎండీకే పార్టీని స్థాపించారు. పార్టీని ప్రారంభించిన ఏడాదిలోనే ఎమ్మెల్యేగా ఎన్నికైన విజయకాంత్ తమిళనాడు అసెంబ్లీలో అడుగుపెట్టారు. ఎమ్మెల్యేగా, అసెంబ్లీలో ప్రతిపక్ష నేతగా విజయకాంత్ ప్రత్యేకస్థానాన్ని సాంపాధించారు.
మాజీ ముఖ్యమంత్రి జయలలితకు, విజయకాంత్ మధ్య తలెత్తిన విభేదాలు, ఆ తర్వాత రాజకీయంగా పతనం కావడం జరిగిపోయింది. 2016లో డీఎంకే, అన్నాడీఎంకేలకు ప్రత్యామ్నాయంగా డీఎండీకే పార్టీ తెరమీదకు వచ్చింది. తరువాత విజయకాంత్ రానురాను రాజకీయ జీవితానికి పూర్తిగా దూరమయ్యారు. రాజకీయ వైఫల్యమే కాకుండా శరీరం కూడా సహకరించకపోవడం విజయకాంత్ కు పెద్ద మైనస్ అయ్యింది.
విదేశాలకు వెళ్లి వైద్యం చేయించుకున్నా పెద్దగా ప్రయోజనం లేదు. ఆ తర్వాత ప్రత్యక్ష రాజకీయాలకు దూరంగా ఉంటూ నివేదికల ద్వారానే రాజకీయాలు చేసేవారు. విజయకాంత్ ఎప్పటికప్పుడు ఆసుపత్రిలో చేరి చికిత్స పొందాడు. 2020లో కరోనా ఇన్ఫెక్షన్తో బాధపడి చికిత్స పొందిన విజయకాంత్ దాని నుండి కోలుకున్నారు. విజయకాంత్ ఎప్పటికప్పుడు పార్టీ కార్యాలయానికి వస్తూ కార్యకర్తలతో సమావేశం అయ్యేవాడు.
అయితే అనూహ్యంగా మంగళవారం రాత్రి విజయకాంత్ చెన్నైలోని ఓ ప్రైవేట్ ఆస్పత్రిలో చేరారు. రొటీన్ మెడికల్ ఎగ్జామినేషన్ అని చెప్పగా కొరోనా వైరస్ అని రిపోర్టు రావడంతో అందరూ హడలిపోయారు. విజయకాంత్ పరిస్థితి విషమంగా ఉండటంతో ఆయన్ను కాపాడేందుకు వైద్యులు తీవ్రంగా శ్రమించినా గురువారం తెల్లవారుజామున విజయకాంత్ మృతి చెందాడు. తమిళనాడు వ్యాప్తంగా ఉన్న వేలాది మంది అభిమానులు, పార్టీ కార్యకర్తలు కన్నీళ్లు పెట్టుకుని చెన్నై చేరుకున్నారు.
విజయకాంత్ భౌతికకాయాన్ని కోయంబేడులోని డీఎండీకే ప్రధాన కార్యాలయంలో ప్రజలు నివాళులర్పించారు. పలువురు నటీనటులు, రాజకీయ నేతలు ఆయన భౌతికకాయానికి నివాళులర్పించారు. శుక్రవారం సాయంత్రం విజయకాంత్ అంత్యక్రియలు నిర్వహించడానికి ఊరేగింపు జరిగింది. కోయంబేడులో భారీ సంఖ్యలో అభిమానులు, పార్టీ కార్యకర్తలు గుమిగూడారు. కోయంబేడులోని పార్టీ కార్యాలయంలో జరిగే అంత్యక్రియులు చూడాలని వేలాది మంది ఒక్కసారిగా రోడ్ల మీదకు వచ్చారు.
కానీ పోలీసులు కోయంబేడులోని డీఎండీకే పార్టీ కార్యాలయంలోకి వెళ్లడానికి ప్రజలకు అనుమతి నిరాకరించారు. బంధువులు, ముఖ్యులు ఇలా 200 మందిని మాత్రమే అనుమతించారు. దీంతో ఆగ్రహించిన అభిమానులు, పార్టీ కార్యకర్తలు అంత్యక్రియలకు తమను అనుమతించాలని డిమాండ్ చేస్తూ రోడ్ల మీద ధర్నాకు దిగారు. దీంతో కోయంబేడుతో పాటు పరిసర ప్రాంతాల్లో భారీగా ట్రాఫిక్ జామ్ అయింది. దీంతో పోలీసులు లాఠీచార్జి చేశారు. అంత్యక్రియలు నిర్వహించాలని విజయకాంత్ అభిమానులు, పార్టీ కార్యకర్తలు నినాదాలు చేశారు.
Click it and Unblock the Notifications
Sign in with Google