మోడీని నరికేస్తానన్న కాంగ్రెసు అభ్యర్థి అరెస్టు

షాహరాన్పూర్ (యుపి): బిజెపి ప్రధాని అభ్యర్థి నరేంద్ర మోడీని ముక్కలు ముక్కలుగా నరికేస్తానని హెచ్చరించిన కాంగ్రెసు అభ్యర్థి ఇమ్రాన్ మసూద్‌ను పోలీసులు శనివారం అరెస్టు చేశారు. విద్వేషపూరిత వ్యాఖ్యలకు గాను ఆయనను అరెస్టు చేశారు. శనివారం తెల్లవారుజామున ఈ అరెస్టు జరిగింది.

ఉత్తరప్రదేశ్ రాష్ట్రంలోని షాహరాన్పూర్ లోకసభ స్థానం నుంచి కాంగ్రెసు అభ్యర్థిగా పోటీ చేస్తున్న మసూద్ వ్యాఖ్యలను ఆ పార్టీ కూడా వ్యతిరేకించింది. హింసాపూరితమైన వ్యాఖ్యలను కూడా తాము సమర్థించబోమని కాంగ్రెసు చెప్పింది.

మసూద్ విద్వేషపూరిత వ్యాఖ్యలను బిజెపి ఖండిస్తూ కాంగ్రెసు అధ్యక్షురాలు సోనియా గాంధీని కూడా బిజెపి వివాదంలోకి లాగింది. మసూద్ చేసిన వ్యాఖ్యల వీడియో వెబ్‌లో హల్‌చల్ చేసింది. మోడీ ఉత్తరప్రదేశ్‌ను గుజరాత్ మాదిరిగా చేస్తే ముక్కలుగా నరుకుతానని మసూద్ వ్యాఖ్యానించారు.

తాను వ్యాఖ్యలకు మసూద్ క్షమాపణ కూడా చెప్పారు. తన పదజాలం పట్ల కాస్తా జాగ్రత్తగా ఉండాల్సిందని ఆయన చెప్పుకున్నారు. మసూద్‌పై ఎఫ్ఐఆర్ నమోదు చేసినట్లు యుపి పోలీసు ఇన్‌స్పెక్టర్ జనరల్ (శాంతిభద్రతలు) ఆమరేంద్ర సెంగార్ చెప్పారు.

English summary

Congress Lok Sabha candidate Imran Masood was on Saturday arrested on charges of hate speech in which he threatened to "chop" Narendra Modi "into pieces", remarks that led to an FIR being filed against him by police besides sparking an outrage.