కాంగ్రెస్ అధినేత్రి సోనియా గాంధీ కుటుంబంలో విషాదం

న్యూఢిల్లీ: కాంగ్రెస్ అధినేత్రి సోనియా గాంధీ కుటుంబంలో విషాదం చోటు చేసుకుంది. సోనియాకు మాతృ వియోగం కలిగింది. ఆగస్టు 27న సోనియా గాంధీ తల్లి పౌలా మైనో ఇటలీలోని తన నివాసంలో తుదిశ్వాస విడిచినట్లు కాంగ్రెస్ ప్రధాన కార్యదర్శి, కమ్యూనికేషన్స్ విభాగం ఇంఛార్జ్ జైరాం రమేశ్ బుధవారం ట్విట్టర్ వేదికగా వెల్లడించారు.

పౌలా మృతదేహానికి మంగళవారమే అంతిమ సంస్కారాలు కూడా పూర్తయినట్లు జైరాం రమేశ్ తెలిపారు. కాంగ్రెస్ అధ్యక్షురాలు సోనియా గాంధీ కొద్ది రోజుల క్రితమే ఇటలీ వెళ్లారు. వైద్యపరీక్షల కోసం తమ అధ్యక్షురాలు విదేశాలకు వెళుతున్నట్లు కాంగ్రెస్ పార్టీ ఓ ప్రకటనలో తెలిపింది.

కుమారుడు రాహుల్ గాంధీ, కుమార్తె ప్రియాంక ఆమెకు తోడుగా ఉన్నట్లు వెల్లడించింది. అయితే, ఢిల్లీకి వచ్చే ముందు అస్వస్థతతో ఉన్న తన తల్లిని సోనియా పరామర్శిస్తారు అని జైరాం రమేశ్ తెలిపారు. అయితే, ఇంతలోనే సోనియా తల్లి మరణించారని, అంత్యక్రియలు నిర్వహించారని బుధవారం వెల్లడించారు.

Smt. Sonia Gandhi’s mother, Mrs. Paola Maino passed away at her home in Italy on Saturday the 27th August, 2022. The funeral took place yesterday.

— Jairam Ramesh (@Jairam_Ramesh) August 31, 2022

English summary

Congress chief Sonia Gandhi’s mother passes away.