ఇదేందయ్యా ఇది.. వెక్కి వెక్కి ఏడుస్తున్న పోలీసులు.. వీడియో వైరల్ !

సాధారణంగా పోలీసు శాఖలో బదిలీలు అనేవి ఒక సాధారణ ప్రక్రియ. అధికారులు ఒక చోటు నుంచి మరోచోటుకు వెళ్లడం సహజం. అయితే Rampurలో జరిగిన ఒక సంఘటన మాత్రం అందరినీ కదిలించింది. ఎస్‌పీ Vidyasagar Mishra బదిలీ సందర్భంగా పోలీసు సిబ్బంది, ముఖ్యంగా మహిళా పోలీసులు కన్నీళ్లు పెట్టుకోవడం అరుదైన ఘటనగా నిలిచింది.

సోషల్ మీడియాలో వైరల్..

కాగా ఈ వీడ్కోలు సందర్భంగా తీసిన వీడియోలు సోషల్ మీడియాలో విపరీతంగా వైరల్ అవుతున్నాయి. పోలీసులే తమ అధికారి వెళ్లిపోతున్నారని భావోద్వేగానికి లోనై ఏడవడం చాలా మందిని ఆశ్చర్యానికి గురిచేసింది. ఈ దృశ్యాలు చూసిన నెటిజన్లు కూడా ఆయనపై ఉన్న గౌరవాన్ని గుర్తిస్తున్నారు. అయితే ఎక్కువగా స్కూల్ టీచర్లు బదిలీ అయినప్పుడు విద్యార్థులు కన్నీటి పర్యంతం అవుతూ ఉంటారు. కానీ ఈ తరహా ఘటనలు చోటు చేసుకోవడం అరుదు అంటూ వ్యాఖ్యానిస్తున్నారు.

బదిలీల నేపథ్యంలో మార్పులు..

ఇటీవల Uttar Pradeshలో పోలీస్ శాఖలో భారీగా బదిలీలు జరిగాయి. ఈ క్రమంలో Vidyasagar Mishraను Sitapurలోని 11వ పీఏసీ బెటాలియన్ కమాండర్‌గా బదిలీ చేశారు. ఆయన స్థానంలో Somendra Meenaను రాంపూర్ ఎస్‌పీగా నియమించారు. Vidyasagar Mishra ఒక కఠినమైన పోలీసు అధికారి మాత్రమే కాకుండా, మానవత్వం ఉన్న నాయకుడు కూడా. నేరగాళ్లపై కఠినంగా వ్యవహరించినప్పటికీ, తన సిబ్బందితో ఎంతో ఆత్మీయంగా మెలిగేవారు. ఈ లక్షణం ఆయనను ఇతరుల నుంచి ప్రత్యేకంగా నిలిపింది.

ఎన్‌కౌంటర్లతో గుర్తింపు..

తన సేవా కాలంలో Vidyasagar Mishra 45కి పైగా ఎన్‌కౌంటర్లకు నాయకత్వం వహించారు. నేరాల నియంత్రణలో ఆయన చూపిన ధైర్యం, క్రమశిక్షణ రాష్ట్రవ్యాప్తంగా గుర్తింపు తెచ్చాయి. ఆయన పేరు వినగానే నేరగాళ్లు భయపడతారని చెబుతారు. మధ్యప్రదేశ్‌లోని Ballia ప్రాంతానికి చెందిన మిశ్రా సాధారణ కుటుంబంలో జన్మించారు. ఆయన తండ్రి కోల్‌కతా పోలీస్‌లో కానిస్టేబుల్‌గా పనిచేశారు. చిన్నప్పటి నుంచే తండ్రిని ఆదర్శంగా తీసుకుని పోలీసు కావాలని లక్ష్యంగా పెట్టుకున్నారు. అయితే మిశ్రా తన కోల్‌కతా విశ్వవిద్యాలయం పరిధిలో బీఎస్‌సీ పూర్తి చేశారు. అనంతరం University of Allahabadలో న్యాయశాస్త్రాన్ని అభ్యసించారు. ఐపీఎస్ అవ్వాలనే లక్ష్యంతో వచ్చిన అవకాశాలను కూడా వదులుకున్నారు.

పోలీస్ కెరీర్..

1993లో పీపీఎస్‌లో ఎంపికైన మిశ్రా, 2015లో ఐపీఎస్‌గా పదోన్నతి పొందారు. Uttar Pradeshలో అనేక కీలక ప్రాంతాల్లో పనిచేసి తనదైన ముద్ర వేశారు. ప్రతి పోస్టింగ్‌లో ఆయన పనితీరు ప్రశంసలు అందుకుంది. Vidyasagar Mishra తన సహోద్యోగులను కుటుంబ సభ్యుల్లా చూసుకునేవారని.. వారి సమస్యలను అర్థం చేసుకుని, వారికి సహాయం చేస్తుంటారని అంటున్నారు. ఆయన వ్యక్తిత్వం, క్రమశిక్షణతో పాటు మానవత్వం కలగలిపిన నాయకత్వం, సిబ్బందిపై చూపిన ప్రేమ.. అన్నీ కలిపి ఈ భావోద్వేగ వీడ్కోలుకు కారణమయ్యాయని అభిప్రాయం వ్యక్తం అవుతోంది.

"Bheegi palkein", "Kabhi Alvida na kahana" playing in the background

Scene from UP during farewell of IPS Vidyasagar Mishra, SP Rampur, who was transferred out in a recent reshuffle. pic.twitter.com/8ooesp6slt

— Piyush Rai (@Benarasiyaa) April 2, 2026

English summary

The Rampur police department witnessed an emotional farewell as IPS officer Vidyasagar Mishra was transfered, with officers and colleagues expressing deep sentiment; the scene underscores the officer's reputed integrity and commitment to disciplined policing.