షాకింగ్ : సిమీ ఉగ్రవాదులు పరారైన రోజు.. 80మంది గార్డులు విధుల్లో లేరు

భోపాల్ : భోపాల్ సిమి ఉగ్రవాదుల ఎన్ కౌంటర్ నేపథ్యంలో.. సెంట్రల్ జైలు ఆవరణలో కట్టుదిట్టమైన భద్రతా ఏర్పాట్లే లేవన్న ఆరోపణలు వినిపిస్తున్నాయి. దీనికి ఊతమిస్తూ.. ఉగ్రవాదులు పరారైన రోజు ఏకంగా 80మంది గార్డులు సెంట్రల్ జైలు వద్ద విధుల్లో లేకపోవడం గమనార్హం.

ఆ సమయంలో.. వీరంతా మధ్యప్రదేశ్ ముఖ్యమంత్రి శివరాజ్ సింగ్ చౌహాన్ ఇంటివద్ద, జైళ్ల శాఖ మంత్రి కుసుమ్ మెహ్దెలే, మాజీ జైళ్ల శాఖ మంత్రులు, జైళ్ల శాఖ అధికారులు, జైళ్ల హెడ్ క్వార్టర్స్ వద్ద విధుల్లో ఉన్నారట. 3,300మంది నేరస్తులున్న జైల్లో కేవలం 139మంది గార్డులు మాత్రేమే విధుల్లో ఉంటుండడం పట్ల అభ్యంతరాలు వ్యక్తమవుతున్నాయి.

ఇక జైలు నుంచి తప్పించుకుని దాదాపు 10కి.మీ మేర అక్కడినుంచి పారిపోయిన ఉగ్రవాదులను పోలీసులు ఎన్ కౌంటర్ చేసిన సంగతి తెలిసిందే. కేవలం టూత్ బ్రష్ ల సహాయంతో ఒక డజన్ తాళాలను తయారుచేసుకుని వాటి ద్వారా సెల్ నుంచి బయటకు రావడంలో సక్సెస్ అయ్యారు ఉగ్రవాదులు. అక్కడ ఉన్న ఓ గార్డును కట్టిపడేశారు. అనంతరం ఓ హెడ్ కానిస్టేబుల్ గొంతు కోసి అతడిని చంపేశారు.

ఈ ఎనిమిది మంది నేరస్తులు బంధీలుగా ఉన్న సెల్ వద్ద సీసీటీవీ కెమెరాలు పనిచేయకపోవడం కూడా వీరికి కలిసొచ్చింది. అదే సమయంలో.. అక్కడ డ్యూటీ చేయాల్సిన నలుగురు సాయుధ గార్డులు సరైన స్థానల్లో లేకపోవడంతో.. తప్పించుకోవడం మరింత సులువైంది. దుప్పట్లు సాయంతో 30అడుగుల గోడను ఎక్కి పరారయ్యారు. ఇంతలో జైలు గేట్ వద్ద ఉన్న ఓ గార్డు రోడ్డు దాటుతున్న నలుగురు వ్యక్తులను చూసి అలారం మోగించడంతో జైలు సిబ్బంది అప్రమత్తమయ్యారు.

అప్పటికే జైలుకు పది కి.మీ దూరంలో ఉన్న ఓ గ్రామం వరకు చేరుకున్న ఉగ్రవాదులను పోలీసులు పట్టుకోగలిగారు. అనంతరం ఎన్ కౌంటర్ లో వారిని మట్టుబెట్టారు.

English summary

At the Bhopal Central Jail, where eight members of the banned Students' Islamic Movement of India or SIMI managed a daring prison break last week before being gunned down hours later, around 80 guards are "missing".