EXCLUSIVE: నా కూతురు హంతకులకు జీవిత ఖైదు విధించండి-జర్నలిస్ట్ సౌమ్య తల్లి డిమాండ్..

పదిహేనేళ్ల క్రితం 2008 సెప్టెంబర్ 30న ఢిల్లీలో ఇంటి నుంచి ఆఫీసుకు బయలుదేరిన జర్నలిస్టు సౌమ్యా విశ్వనాథన్ పై కొందరు గుర్తు తెలియని వ్యక్తులు కాల్పులు జరిగారు. దీంతో ఆమె అక్కడికక్కడే ప్రాణాలు విడిచింది. అయితే ఈ హత్య ఎందుకు జరిగిందో, హంతకులెవరో మాత్రం తెలియలేదు. దాదాపు పదేళ్ల పాటు ఈ కేసులో పోలీసులకు చిన్న క్లూ కూడా దొరకలేదు. చివరికి తాజాగా ఢిల్లీ కోర్టు ఆమెను హత్య చేసిన నలుగురిని దోషులుగా నిర్ధారిస్తూ తీర్పు నిచ్చింది. దీంతో ఈ కేసులో సస్పెన్స్ వీడింది.

సౌమ్య హత్య వెనుక ప్రధాన కారణం దోపిడీగా పోలీసులు ప్రాథమికంగా ప్రకటించారు. అయితే రవి కపూర్, అమిత్ శుక్లా, బల్జీత్ మాలిక్, అజయ్ కుమార్‌లను హత్య కేసులో దోషులుగా నిర్ధారించిన కోర్టు.. మహారాష్ట్ర వ్యవస్థీకృత నేరాల నియంత్రణ చట్టం మకోకా నిబంధనల ప్రకారం వారిని దోషులుగా నిర్ధారించింది. ఐదవ నిందితుడు అజయ్ సేథీగా గుర్తించారు. ఐపీసీ సెక్షన్ 411 ప్రకారం దొంగిలించబడిన సొత్తును కలిగి ఉండటం, వ్యవస్థీకృత నేరాలకు సహకరించడానికి, ఉద్దేశపూర్వకంగా వ్యవస్థీకృత నేరాలకు సహకరించడానికి కుట్ర పన్నినందుకు, వ్యవస్థీకృత నేరాల ఆదాయాన్ని స్వీకరించినందుకు వీరిని దోషులుగా నిర్దారించారు.

నిన్న ఈ ఐదుగురిని దోషులుగా నిర్ధారించిన ఢిల్లీ కోర్టు ఈ నెల 26న వీరికి శిక్షలు ఖరారు చేయబోతోంది. ఈ నేపథ్యంలో వన్ ఇండియా టీమ్ సౌమ్యా స్వామినాథన్ కుటుంబ సభ్యుల్ని కలిసింది. కోర్టు తీర్పుపై స్పందించిన సౌమ్య తల్లి మాధవి..తన కూతురిని పొట్టనపెట్టుకున్న దోషులకు జీవితఖైదు విధించాలని కోరుతున్నారు. 15 ఏళ్ల తర్వాత వెలువడిన ఈ తీర్పుపై కుటుంబ సభ్యులు హర్షం వ్యక్తం చేశారు. చాలా కాలం గడిచిందని, నిజానికి, సమయం గురించి మాట్లాడటం వల్ల కావచ్చని వారు తెలిపారు. 15 కావచ్చు. సంవత్సరాలు. కానీ తమకు ఇది చాలా చాలా సుదీర్ఘమైన కాలమన్నారు. ఈ సమయంలో తాము బాధాకరమైన జీవితాన్ని గడుపుతున్నామని, భవిష్యత్తు ఏమిటో తెలియదని చెప్పారు.

అక్టోబర్ 26న ఢిల్లీ కోర్టు తమ కుమార్తె హత్య కేసులో దోషులకు జీవిత ఖైదు విధించాలని నిర్ణయించిన నేపథ్యంలో దీనిపై ఆమె తల్లి మాధవి స్పందించారు. దోషులకు జీవిత ఖైదు విధించాలని కోరుకుంటున్నట్లు ఆమె తెలిపారు. అప్పుడే ఇన్నాళ్లూ తాము అనుభవించిన క్షోభకు న్యాయం జరుగుతుందన్నారు.

English summary

delhi journalilst soumya vishwanathan's mother madhavi has demanded to give life term for her daughter's killers after delhi court verdict convicted four yesterday.