ఫ్రెండ్ రూమ్ లో.. క్లాస్ మేట్స్ తో: అబ్బాయిలతో మందు కొట్టిన విద్యార్థినులు: కాలేజీ నుంచి తొలగింపు..

చెన్నై: తమ క్లాస్ మేట్స్ తో కలిసి మందు కొట్టి, చిందేసిన నలుగురు విద్యార్థినుల ఉదంతం ప్రస్తుతం తమిళనాడులో చర్చనీయంశమైంది. దీనికి సంబంధించిన వీడియో ఒకటి వైరల్ గా మారింది. ఈ వీడియో తమ దృష్టికి రావడంతో వారు చదువుతోన్న కళాశాల యాజమాన్యం దీన్ని తీవ్రంగా పరిగణించింది.నలుగురు విద్యార్థినులు, వారితో కలిసి మందు కొట్టిన విద్యార్థులను కళాశాల నుంచి తొలగించింది.

స్నేహితుడి గదిలో మందు పార్టీ

తమిళనాడులోని నాగపట్టిణం జిల్లా మైలాడుథురై సమీపంలోని సీతార్కాడు గ్రామంలో ఈ నెల 24వ తేదీన ఈ ఘటన చోటు చేసుకుంది. ప్రతిష్ఠాత్మక భారతీదాసన్ యూనివర్శిటీకి అనుబంధంగా నడుస్తోన్న కళాశాలలో వారంతా చదువుకుంటున్నారు. మైలాడుథురైలోని ధర్మపురం ఆధీనం ఆర్ట్స్ కళాశాల విద్యార్థినులు వారంతా. ఈ నెల 24వ తేదీన సీతార్కాడులోని తన స్నేహితుడి గదిలో మందు పార్టీకి వెళ్లారు. స్నేహితులతో కలిసి తామూ మందు కొట్టారు. మద్యం మత్తులో రెచ్చిపోయారు.

ద స్టేట్ విమెన్

ఆ సమయంలో వారంతా కళాశాల యూనిఫాంలోనే ఉన్నారు. ఇష్టానుసారంగా ప్రవర్తించారు. దీనికి సంబంధించిన వీడియోను వారి ఫ్రెండ్స్ ఒకరు సోషల్ మీడియాలో అప్ లోడ్ చేశారు. తన ఫేస్ బుక్ అకౌంట్ లో పోస్ట్ చేశారు. దానికి `ద స్టేట్ విమెన్` అనే టైటిల్ పెట్టారు. ఈ వీడియో కాస్తా వైరల్ గా మారింది. ఫేస్ బుక్, వాట్సప్ ల ద్వారా విపరీతంగా షేర్ అయింది. ఈ వీడియో భారతీదాసన్ యూనివర్శిటీ అధికారులకు చేరింది.

స్నేహితురాలి పుట్టినరోజు వేడుక

దీనిపై ఆర్ట్స్ కళాశాల ప్రిన్సిపల్ స్వామినాథన్ ఓ నివేదికను రూపొందించి, యూనివర్శిటీ అధికారులకు పంపించారు. ఈ నివేదిక అందిన వెంటనే నలుగురు విద్యార్థినులను తొలగిస్తూ యూనివర్శిటీ రిజిస్ట్రార్ జీ గోపీనాథ్ ఉత్తర్వులు జారీ చేశారు. తమ స్నేహితురాలి పుట్టినరోజు వేడుకలకు వెళ్లామని, అక్కడ అనుకోకుండా తాము మద్యాన్ని సేవించాల్సి వచ్చిందని విద్యార్థినులు లిఖితపూరకంగా అంగీకరించినట్లు స్వామినాథన్ తెలిపారు.

English summary

A college in Nagapattinam district of Tamil Nadu has expelled four of its female students for consuming alcohol along with their male friends during a party at one of their houses. The said party took place around weeks ago.