వినోదంలో విషాదం: నలుగురు ఐఐటి విద్యార్థుల మృతి

న్యూఢిల్లీ: విహార యాత్రకు వెళ్లిన నలుగురు ఐఐటి - ఢిల్లీ విద్యార్థులు ప్రమాదానికి గురై మరణించారు. ఉద్యోగాలు వచ్చిన శుభ సందర్భంగా స్నేతులంతా కలిసి విహారయాత్రకు వెళ్లారు. జైసల్మేర్‌కు బయలుదేరిన వారు ప్రమాదానికి గురయ్యారు. వారిలో నలుగురు మరణించారు. ఢిల్లీ ఐఐటికి చెందిన నలుగురు ఇంజనీరింగ్ ఆఖరి సంవత్సరం చదువుతున్న విద్యార్థులకు క్యాంపస్ ఇంటర్వ్యూల్లో మంచి ఉద్యోగాలు వచ్చాయి.

ఉద్యోగాలు వచ్చాయనే సంతోషంలో వారు విహారయాత్రకు ఇన్నోవా వాహనంలో జైసల్మేరు బయలుదేరారు. వాహనం అదుపు తప్పి బోల్తాపడడంతో నలుగురు విద్యార్థులు గాయపడ్డారు. ఆదివారం ఉదయం ఈ ఘోర రోడ్డు ప్రమాదం సంభవించింది.

తిరిగి వస్తుండగా వాహనం టైర్ పగిలిపోయి వాహనం బోల్తాలు కొట్టింది. ముగ్గురు విద్యార్థులు అక్కడికక్కడే మరఇంచారు. మరో విద్యార్థి ఆస్పత్రిలో చికిత్స పొందుతూ మరణించాడు. మృతులను చత్తీస్‌గడ్‌కు చెందిన పల్లవ్ అగర్వాల్, బీహార్‌కు చెందిన అర్చనా మండల్, ఢిల్లీకి చెందిన దీక్షా గౌతమ్, మయాంక్ గోయల్‌గా గుర్తించారు.

ట్రావెల్ ఏజెన్సీకి చెందిన ఇన్నోవాలో ఆరుగురు ప్రయాణించారు. టైర్ పగిలిపోవడంతో వాహనాన్ని డ్రైవర్ నియంత్రించలేకపోయాడు. దాంతో ప్రమాదం సంభవించింది.

English summary

our IIT-Delhi final-year students, who were on a road trip to west Rajasthan to celebrate their placements, were killed and two other students injured when the Innova they were travelling in overturned near Jaisalmer on Sunday morning.