బెంగళూరు గౌరీ లంకేష్ హత్య, సనాతన కార్యాలయంలో సిట్ సోదాలు, రౌడీషీటర్లు చర్చ !

కన్నడ లంకేష్ పత్రిక ఎడిటర్ గౌరీ లంకేష్ హత్య కేసుసనాతన కార్యాలయాల్లో సిట్ అధికారుల సోదాలు, స్వాధీనంఇద్దరు రౌడీషీటర్ల మధ్య హత్య విషయంలో చర్చ, మాయమైన రౌడీ

బెంగళూరు: కన్నడ లంకేష్ పత్రిక ఎడిటర్ గౌరీ లంకేష్ హత్య కేసు విచారణ చేస్తున్న ప్రత్యే దర్యాప్తు టీం(సిట్) అధికారులు బెంగళూరులోని సనాతన సమసత్ కార్యాలయాల్లో సోదాలు చేసి అనేక కీలకమైన పత్రాలు స్వాధీనం చేసుకుని విచారణ చేస్తున్నారు.

సనాతన సంస్థ కార్యాలయాల్లో సిట్ అధికారులు సోదాలు చేశారు. ఈ సందర్బంగా సిట్ అధికారులు మాట్లాడుతూ గౌరీ లంకేష్ హత్య కేసు వివిధ కోణాల్లో విచారణ చేస్తున్నామని, అందులో భాగంగానే సనాతన కార్యాలయాల్లో సోదాలు చేశామని వివరణ ఇచ్చారు.

ప్రోఫసర్ ఎంఎం కులబరిగి, గౌరీ లంకేష్ ను ఒకే విధంగా హత్య చెయ్యడం, ఒకే రకమైన పిస్తోల్ ఉపయోగించడంతో రెండు హత్యలు ఒక్కరే చేసి ఉంటారని సిట్ అధికారులు అనుమానం వ్యక్తం చేస్తున్నారు. గౌరీ లంకేష్ హత్యపై దేశవ్యాప్తంగా నిరసన వ్యక్తం చేస్తున్నారు. కేరళ సీఎం పినరయి విజయన్ సైతం కొచ్చిలో గౌరీ లంకేష్ నివాళులు అర్పించి ఆమెను హత్య చేసిన హంతకులను వెంటనే అరెస్టు చెయ్యాలని డిమాండ్ చేశారు.

గౌరీ లంకేష్ హత్య విషయంలో ఇద్దరు రౌడీషీటర్లు ఫోన్ లో మాట్లాడుకున్నారని సిట్ అధికారులు అనుమానం వ్యక్తం చేస్తున్నారు. రౌడీషీటర్ పాయిసన్ రామ ముఖ్య అనుచరుడు మాయం కావడంతో అతని కోసం సిట్ అధికారులు గాలిస్తున్నారు.

English summary

The special investigating team which is investigating Gauri Lankesh's murder case has raided two offices of Sanathana Samsthe in Bengaluru on 15th September 2017.