బీచ్‌లో ఘోరం: రేప్? రక్తపు మడుగులో నగ్నంగా విదేశీ యువతి

ఓ విదేశీ యువతి రక్తపు మడుగులో నగ్నంగా పడివుండటం కలకలం రేపింది. ఈ దారుణ ఘటన గోవాలో చోటు చేసుకుంది.

పనాజీ: ఓ విదేశీ యువతి రక్తపు మడుగులో నగ్నంగా పడివుండటం కలకలం రేపింది. ఈ దారుణ ఘటన గోవాలో చోటు చేసుకుంది. వివరాల్లోకి వెళితే.. ఐర్లాండ్‌కు చెందిన ఓ మహిళ తన బాయ్‌ఫ్రెండ్‌తో కలిసి ఇటీవల గోవాకు వచ్చింది. వాళ్లిద్దరూ సోమవారం స్థానికంగా జరిగిన హోలీ వేడుకల్లో కూడా పాల్గొన్నారు.

వేడుకల అనంతరం ఆమె కనిపించకుండా పోయింది. మంగళవారం ఉదయం ఆమె మృతదేహం నగ్నంగా బీచ్‌లోని నిర్మానుష్య ప్రాంతంలో రక్తపు మడుగులో పడి ఉంది. ఈ దృశ్యాన్ని చూసిన స్ధానికులు భయభ్రాంతులకు గురయ్యారు.

ఘటపై సమాచారం అందుకున్న పోలీసులు హుటాహుటిన అక్కడికి చేరుకుని పోస్టుమార్టం నిమిత్తం గోవా మెడికల్‌ కాలేజీ ఆసుపత్రికి తరలించారు. హత్యకు ముందు అత్యాచారం జరిగి ఉంటుందని అనుమానిస్తున్నారు. హోలీ వేడుకల్లో ఆమె ఎవరితో సన్నిహితంగా ఉందనే విషయాన్ని ఆరా తీస్తున్నామని పోలీసులు తెలిపారు.

మృతురాలి స్నేహితుడిని కూడా విచారించారు. అతడు తెలిపిన వివరాల మేరకు కొందరిని అదుపులోకి తీసుకుని విచారణ చేపట్టామని డీసీపీ సమ్మీ టావరేస్ తెలిపారు.

English summary

A 25-year-old Irish woman was found dead and naked at an isolated open place in South Goa, police said on Wednesday.