Goa: కాంగ్రెస్‌తోపాటు బీజేపీతోనూ పోరాటం చేశా: ఉత్పల్ పారికర్‌ను ఓడించిన బీజేపీ అభ్యర్థి

పనాజి: గోవాలో బీజేపీ ప్రభుత్వం మరోసారి ఏర్పడబోతోంది. గోవాలో మొత్తం 40 అసెంబ్లీ స్థానాలుండగా అందులో 20 స్థానాలను బీజేపీ కైవసం చేసుకుంది. మెజార్టీకి ఒక సీటు తక్కువగా ఉంది. అయితే, ముగ్గురు స్వతంత్ర ఎమ్మెల్యేలు బీజేపీకే మద్దతు తెలుపుతామంటూ ముందుకు వచ్చారు. దీంతో గోవాలో వారి మద్దతుతో మరోసారి బీజేపీ ప్రభుత్వం ఏర్పడబోతోంది.

కాగా, బీజేపీ పార్టీ తరపున గెలిచిన అటానాసియో మోన్సెరేట్ తన గెలుపుపై సంచలన వ్యాఖ్యలు చేశారు. మాజీ ముఖ్యమంత్రి, దివంగత మనోహర్ పారికర్ తనయుడు ఉత్పల్ పారికర్‌ను ఓడించి ప్రతిష్టాత్మకమైన పనాజీ సీటును కైవసం చేసుకున్న భారతీయ జనతా పార్టీ (బీజేపీ) అభ్యర్థి అటానాసియో మాన్‌సెరాట్ గురువారం మీడియాతో మాట్లాడారు.

తాను తన గెలుపు కోసం కాషాయ పార్టీ, కాంగ్రెస్‌తో పోరాడినట్లు పేర్కొన్నారు. ఈ పరిణామం పట్ల ఆయన అసంతృప్తి వ్యక్తం చేశారు. బీజేపీ క్యాడర్ తన కోసం పని చేయలేదని, ప్రతిపక్ష అభ్యర్థికి కోసం పనిచేశాయని మోన్సెరేట్ అన్నారు.

'ఫలితాల విషయానికొస్తే నిరాశే. బీజేపీ క్యాడర్ నా కోసం కాదు ప్రతిపక్ష అభ్యర్థి కోసం పని చేసింది. నేను బీజేపీ, కాంగ్రెస్‌తో పోరాడాను' అని మోన్సెరేట్ వార్తా సంస్థ ఏఎన్ఐతో వెల్లడించారు.

'కొంతమంది కార్మికులు, మద్దతుదారుల మద్దతు కారణంగా మేము సీటును నిలబెట్టుకోగలిగాము' అని మోన్సెరేట్ తెలిపారు. బీజేపీ క్యాడర్ తనను పార్టీలోకి అంగీకరించలేదని తాను భావిస్తున్నట్లు మోన్సెరేట్ చెప్పారు. 'నేను దానిని ఆ విధంగా చూస్తున్నాను. అతను (ఉత్పల్ పారికర్) ఇన్ని ఓట్లను పొందగలిగితే, కేడర్ వారి ఓట్లను అతనికి మార్చినందున. ఇక్కడి బీజేపీ నాయకత్వం డ్యామేజ్ కంట్రోల్ చేయలేకపోయింది' అని ఆయన వ్యాఖ్యానించారు.

కాగా, ఇండిపెండెంట్‌గా పోటీ చేసిన పారికర్‌పై కేవలం 800 ఓట్ల తేడాతో మోన్సెరేట్ విజయం సాధించారు. మరోవైపు కోస్తా రాష్ట్రంలో బీజేపీ వరుసగా మూడోసారి ప్రభుత్వాన్ని ఏర్పాటు చేయనుంది. బీజేపీకి 20 సీట్లు రాగా, మరో ముగ్గురు స్వతంత్ర ఎమ్మెల్యేల మద్దతుతో ప్రభుత్వాన్ని ఏర్పాటుచేయబోతోంది.

గోవాలో అతిపెద్ద పార్టీగా అవతరించిన బీజేపీ తదుపరి ప్రభుత్వాన్ని ఏర్పాటు చేసేందుకు గవర్నర్ అపాయింట్‌మెంట్ కూడా కోరింది. గోవాలో బీజేపీ ప్రభుత్వాన్ని ఏర్పాటు చేయబోతోందని సీఎం ప్రమోద్ సావంత్ ఇప్పటికే వెల్లడించారు.

కాంగ్రెస్ నేతృత్వంలోని కూటమి 11 స్థానాల్లో ఆధిక్యంలో ఉండగా, ఆమ్ ఆద్మీ పార్టీ (ఆప్) కేవలం రెండు స్థానాల్లో ఆధిక్యంలో ఉంది. 40 మంది సభ్యులున్న గోవా అసెంబ్లీకి ఫిబ్రవరి 14న ఒకే దశలో పోలింగ్ జరిగింది. గతంలో 2017లో గోవాలో కొన్ని ప్రాంతీయ సంస్థలు, స్వతంత్రుల మద్దతుతో బీజేపీ ప్రభుత్వాన్ని ఏర్పాటు చేసింది.

English summary

Goa Result 2022: 'I Fought BJP & Congress...': BJP Candidate From Panaji Who Defeated Utpal Parrikar