యువతి కిడ్నాప్, గ్యాంగ్రేప్, హత్య: సరదాగానే అంటూ నిందితుల దిగ్భ్రాంతికర సమాధానం
మీరట్: ఉత్తరప్రదేశ్ రాష్ట్రంలోని బులంద్షహర్లో జనవరి 2న ఓ 16ఏళ్ల అమ్మాయిని కిడ్నాప్ చేసిన ముగ్గురు యువకులు ఆమెపై సామూహిక అత్యాచారానికి పాల్పడ్డారు. అంతేగాక, ఆ తర్వాత ఆమెను దారుణంగా హత్య చేశారు.
ఘటనపై కేసు నమోదు చేసుకున్న పోలీసులు.. నిందితులను అరెస్ట్ చేశారు. కాగా, ఈ దారుణానికి ఎందుకు పాల్పడ్డారని పోలీసులు అడిగిన ప్రశ్నకు.. నిందితులు చెప్పిన సమాధానం దిగ్భ్రాంతికి గురిచేసింది.
గ్యాంగ్ రేప్, హత్య
మీరట్ ప్రాంతానికి చెందిన జుల్ఫికర్ అబ్బాసీ, దిల్షద్, ఇజ్రాయెల్ అనే ముగ్గురు యువకులు జనవరి 2 బాధిత యువతిని కిడ్నాప్ చేశారు. అనంతరం ఆమెపై సామూహిక అత్యాచారానికి పాల్పడి, దారుణంగా హత్య చేశారు. ఆ తర్వాత ఆమె మృతదేహాన్ని నోయిడాలోని కాలువలో పడేసి పారిపోయారు.
అమ్మాయి మరో వ్యక్తి వెళ్లిందనుకున్నారు..
కాగా, తమ కూతురును దుండగులు కిడ్నాప్ చేసి సామూహిక అత్యాచారానికి పాల్పడి హత్య చేశారని బాధితురాలు తల్లిదండ్రులు ఆరోపిస్తూ ఫిర్యాదు చేశారు. మొదట నమ్మని పోలీసులు.. ఆ తర్వాత దర్యాప్తు ప్రారంభించడంతో ఈ విషయం వెలుగు చూసింది. నిందితులు దొరికే వరకు కూడా ఆ అమ్మాయి వేరే వ్యక్తితో వెళ్లిపోయిందనుకున్నారు పోలీసులు.
ముగ్గురు నిందితుల అరెస్ట్
ఈ ఘటన జరిగిన మరుసటి రోజు నిందిత యువకులు ప్రయాణించిన కారును పోలీసులు స్వాధీనం చేసుకున్నారు. ఆ తర్వాత ముగ్గురినీ అదుపులోకి తీసుకున్నారు. విచారణలో భాగంగా ఈ దారుణానికి ఎందుకు పాల్పడ్డారని నిందితులను ప్రశ్నించగా.. ఆ దుర్మార్గులు సమాధానం పోలీసులకే దిగ్భ్రాంతికి గురిచేసింది.
నిందితుల దిగ్బ్రాంతికర సమాధానం
‘రాత్రి మద్యం తాగుతూ ముగ్గురం ఓ సినిమా చూశాం. ఆ తర్వాత సరదాగా రహదారిపై వెళుతున్న ఓ అమ్మాయిని కిడ్నాప్ చేసి సామూహిక అత్యాచారానికి పాల్పడ్డాం' అని నిందితులు పోలీసులకు సమాధానం ఇవ్వడం గమనార్హం. ఈ సమాధానంతో నిందితులు ఎంత రాక్షసంగా ఉన్నారో అర్థమవుతోంది. ముగ్గురు నిందితులపై కేసు నమోదు చేసి రిమాండ్ తరలించినట్లు పోలీసులు తెలిపారు. నిందితులను కఠినంగా శిక్షించాలని బాధితురాలి తల్లిదండ్రులు డిమాండ్ చేస్తున్నారు.
Click it and Unblock the Notifications
Sign in with Google